Popular Bible Verses from Camba 50

Share

Wa keeh ne ɗu waaɗee so tum in moɗaaɗi, waaye Kooh ɓoƴsiɗa baahiɗ. Laam, a waaɗee muciɗ kiñin laayiɗ ŋ findi ɗu hotoha an.

Waaye Yuusufa woosa ɓa ne : « Kanaat neƴƴoh, ɗu liiɓ ne e mi Kooh e ?

Mbaa kanaat neƴƴoh, ŋ hey ɗu taambkohe, ɗu na komaakciŋ ɗu. » Yuusufa giifɗoh taambɗoh ciŋ ɗe ɗaa, a ñaahha ɓa ne ɓa ndengɗuk.

« Woyɗaat to Yuusufa ne a ɗaasɗaat to taambɗoh ciŋ ɗe, ŋ in ci moɗaaɗiici ɓa tum ɗe jen, laam ɓa tooñiɗ ɗe keeh-keeh. Mbaa mi yii kiim ɗe ne a ɗaas ɓa, laam ɓa ñaam ciŋ Koohiŋ baab ɓa. » Wa woo keem ree ŋ Yuusufa, a fuɗeeɗa.

Bala a kaanan ɗah, Yuusufa woyeen taambɗoh ciŋ ɗe ne : « Ŋ mand na kurkiɗ nga, waaye wa hooliɗ to ne Kooh hey ɗu ambohe ; te a hey ɗu dokne ŋ kur ka a gapee Ibrahiima, Isaahha na Yaŋhooɓa.

Waaye Kooh tum, ɗu kaɗee ɗah, giñɗaat to ne, ɗu hey ɓayndohe ƴoh ciŋ ngo. »

Yuusufa kaanoh Misra wa a raak kiis teemet na kiis ndaŋkiyaah (110). Ɓa haɓiɗta fiɗaafaŋ ɗe na diw eeñiɗ, ɓa ɓekkaa ŋ jaat.