Popular Bible Verses from Camba 49

Share

Salmaari na yilfohse, saɓsukohanɗi na yaah ciŋ ɓi kahan Yudaa. Te inhisoha buur kurkanɗi ŋ harmban kot ciŋ ɓa po mbaɗna heɗ wa keeh-keeh hayan. A yi fu inah ne, cuuɓ ci jen hey ɗe kerhiɗe.

Yuusufa, a naak kidig rimiɗ ; kidgi paar ŋ sero masuɓ te naak ciŋ wa cootukka ɗingi. Ɓi weesoh ɓis keeniɗ ɗe, ɓa weessa ɗe, ɓa tummba ɗe sanguuɗ

Waaye a ris ambiɗ haliini, amb moɗoɗ te yaah ciŋ ɗe neɓiɗ sagu hatiliŋ Koohiŋ Yaŋhooɓa, Kooh yi Niiɗohi, a nammba nik Atoh fiŋ Israayel. Koohiŋ baab ɗu hirpaat ɗa, Koohi Min barke'ɗaat ɗa, a on ɗa toɓi na pulohe ɗafki, na masmi na pulohe ŋ kehƴi, a on ɗa, ɓitiɓ ci na ɗoopaat ci nik ɓasloh.

Yudaa, a fu taambɗoh ciŋ ɗa ƴeekan te fu hey tahe ɓi sang ɗa hiir. Taambɗoh ciŋ ɗa hey ɗa ƴekɗe. Yudaa kuɓkiŋ ngo, fu gaynde cociɗ, gayndeeni puloh ñama doɓ, faanukka, ya ɓa kaañ ɗe kurkiɗ ?

Ruben, saawiŋ ngo, a fu teeɓoh ne ŋ ƴaar, raak ko na hatil. A fu uupiɗ taambɗoh ciŋ ɗa cir na hatil. Fu mand na masuɓ baliɗ, waaye fu mirndohanɗi adug, fu mbetiɗ ciriŋ ɗa, wa fu sot fiƴaangiŋ baab ɗu.