Popular Bible Verses from Romaƒuɔ 5

Share

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa. Na bula bunye kpakplaa ni, bɔɔyá na bɔɔkɛ́ udu ɔbuni. Na ɔmmɔ ndubɔya na bɔkɛ lɛnunsia.

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ. Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Uwi ɔni na bulakana lɛlɔ bubunku ni, Kristo úbekpi na bekyuli bekpidi lili. Na ɔ́lɛ lɛni na uwi ɔni kemmo na Katɔti ɔlati ɔ́lɛ ugyii úse lɛlɔ.

Na si ɔkɛnku nwuna kukpi kɔmmɔ lɛlɔ ɔsu na bɔ́bla siin na Katɔti anumi ni, kukpi kɔmmɔ kɔdubudie-bu kɔlɛku Katɔti kɔnyi bonwu kemmo utulo!

Na ɔkɛnku kalɛ na ukyuli unwi ɔmmɔ ɔ́ta únye Katɔti litemi lɛlɔ na bekyuli ƒui bénwini alaekpidi bablane ni, lɛni kani na Katɔti ɔkɛnku kalɛ na ukyuli unwi ɔ́di nwuna litemi lɛlɔ ɔsu na Katɔti ɔdubɔya na bekyuli pii babla siin.

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.