Popular Bible Verses from Romaƒuɔ 4

Share

Nsu ala amɛni átaƒɛ-nwu enu na nwuna bɔƒɔtaadi kemmo. Mmomu úƒie Katɔti linyese ɔ́da kpakplaa, na nwuna bɔƒɔtaadi bɔmɛni bɔ́kya-nwu ɔkplu na úti bumwi úte Katɔti. Na ɔgyi nwaa ka Katɔti ubo ɔyikun na ɔbla lɛla lɛni na ɔ́su úse.

Na lɛni na Bunweni Kedee Ɔku ɔ́su ɔnini, “Líti-ɔ lɛ́bla kadi bekyuli pii ɔti.” Na Abraham ndi bula ɔti ɔni náƒɔ ɔ́di na Katɔti anumi. Katɔti ɔyikun ɔni na úbo ɔsu ni, ɔ́gyila bekpine na básɔ bébo beli ngba. Na ɔkɛnku ɔyikun ɔmmɔ ɔsu ni, útemi na ala ani nátakya kudii áda álɛ!

Katɔti úte kuƒi na bekyuli bádu Kristo ɔ́si bula ekpidi ani bɔ́bla ɔsu. Na Katɔti ɔ́gyila-nwu ɔ́lɛku bekpine akɔ kalɛ na Katɔti ɔnu ka buse siin.

Kesii kani na lɛnunsia liiibo muedi ni, Abraham únye bɔƒɔtaadi lɛlɔ kpakplaa. Anwuɔsu úbabla kadi bekyuli pii ɔti aani kalɛ na Bunweni Kedee Ɔku ɔ́su ɔnini, “Ƒula bawɔ lɛnɔ badubo bumomo lɛni kani.”

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

“Lɛlɔ lɛdubɔyɔ bekyuli bani na Katɔti úti bana bɔƒiɔ ɔ́kyiɛ-ma na údie ekpidi bana lɛlɔ. Lɛlɔ lɛdubɔyɔ ukyuli ɔni ekpidi na Blɔti ulabu ulése-nwu kudii.”

Ɔsika na Bunweni Kedee Ɔku kemmo ni, básu banini, “Abraham ɔ́ƒɔ Katɔti ɔ́di. Ɔmmɔ ɔsu na Katɔti ɔ́bu-nwu aani ukyuli ɔni use siin.”