Popular Bible Verses from Agba 22

Share

Tina ƒula bebi kasiakɔ kabuni na si bábi lɛlɔ ni, na balasia kesii bamba.

Lɛlɔ kalɔ buboku ku Unwoti bɔyia ulu geen lɛlɔ ɔɔyá na lɛlakɛ ku ɔbu ku ngba buumomo ukyuli.

Si élie ngba buni na bekyuli baalɔ-ɔ lɛnyi buni ni, ɔdia utulo lɛlakɛ linengudi. Ɔsika si bekyuli bényene-ɔ keliekɔ kenengudi na ƒula lɛnyi ɔsu ni, ɔdia utulo ka akɛ sika ɔƒualadi ku ugyiedi ƒui.

Da lɛlɔ mami na bekyuli bani muuti kɔnyi pla pla lɛlɔ.

Bekyuli bani mbo lɛƒɔndia na beete bawabane ala ni, kusɛ kusɛ ɔdubɔsiaku-ma.

Ukyuli ɔbuni ɔni mɔɔsia nwuna lɛlɔ anu ni, ɔɔnu ɔgbankpi ɔni mebo taatualaku anumi na uunye lɛlɔ kagyumana. Na bani na bana kasusu kásɔ ni, bɔkɛ kani na baakɛ gyoli gyoli teetéduo ɔgbankpi ku lɛbibo kemmo.

Kalɛ na balakɛne baadi bawabane lɛlɔ ni, lɛni na bekyuli bani muuvó ala bekyuli kudɔ beenwíni kabla bablane teete-ma.

Balakɛne ku bawabane ƒui badi likeke na ulu unwi lɛlɔ, na anwu ndi ka Unwoti nédie bana inyɔ.

Tasia ulu ɔdi lɛlɔ na eyu bawabane anii kɔwaba kɔda-ma ɔsu. Na tasia ulu ukpidi ɔdi lɛlɔ na akɛ bekyuli bani mɔɔyaki lɛla lɛdi lɛlɔ kɔsia na litemi katɛkɔ. Ɔsika Unwoti uukpó teete-ma. Na ukyuli ɔni makya-ma ɔlɛ ni, Unwoti lɛnɔ ɔdubɔkya-nwu ɔlɛ.