Popular Bible Verses from Mateo 27

Share

Na ɔdɔ ɔtɛdi ɔmɛni kemmo ni, Yesu ɔ́va momoomo ɔ́su ɔnini, “Eli, Eli, lama sabaktani?” Ɔni kalɔ ndi, “Mina Ɔti, mina Ɔti! Bi ɔsu na áda-mi ányonu?”

Kɔnakunwi na Katɔti kakpakɔ na ɔma kemmo ni, kakpakɔ bule kɔdi kɔmmɔ kɔ́bwɛ kemmo inyɔ ɔ́si katɔ úbedu kalɔ. Na kalɔ kammɔ ƒui kákunku, na atakpɛ ábwɛ. Na kɔƒiɔtɔ kúbimi, na bekyuli kedee bani nékpi báta bálɛ bekpine akɔ.

Yesu ɔ́sɔ ɔ́va momoomo na ɔ́yula.

Na uwi ɔni na bekpone unengu ku bekpone bani nnye mɔɔgyumana Yesu bánu kalɛ na kalɔ kákunku ku ala ani nálɛ ƒui na mmɔ ni, ɔtɔtɔ ɔ́gyu-ma na liƒu lɛ́da-ma geen! Na básu banii, “Sɔsɔ na ukyuli ɔmɛni ɔdi Katɔti Ubidi.”

Amu na kalɔ kammɔ ƒui kábla suu ɔ́si lɛdɔ leevu-inyɔ uwi útalɛ lɛdɔ ɛtɛ kemmo.

Na Pilato ɔ́sɔ úye-ma ɔnini, “Bi na mbla Yesu ɔni na baalɔ-nwu banii Ukyuli Ɔƒunadi ɔmmɔ ɔƒɛni?” Bana ƒui bédie kenye banii, “Kana-nwu mana ugyii lɛlɔ!” Nsu Pilato ɔ́sɔ úye-ma ɔnini, “Na bi likpidi na ɔ́bla?” Mmɔ ni, bése kalɔ baava momoomo banii, “Kana-nwu mana ugyii lɛlɔ!”