Popular Bible Verses from Yakobo 5

Share

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Si bina ɔdi ɔkya lɛbibo kemmo ni, ɔlɛka ɔkpali Katɔti na ɔdububunku-nwu. Na si lɛlɔ mɔɔyɔ́ ɔdi lɛnɔ ni, utaatu lɛnu teemwi Katɔti.

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.

Na si bina kemmo ɔdi uuƒi ni, ɔtala na balɔ baƒɔtaadine benengu na bebo babakpali katɔ bete-nwu na bawɛɛ-nwu nnɔmii na Blɔti lɛnyi kemmo.

Mina banwa, si bina akɔ ɔdi údeyi bɔƒɔtaadi ulu geen ɔmmɔ lɛlɔ na ɔkpanadi ɔ́sɔku-nwu úboku ni, ɔ́ya na ukyuli ukpidi ɔmmɔ kɔyu kɔ́lɛ kukpi kemmo. Na Katɔti ɔdubuti ekpidi pii ɔkyiɛ-nwu.