Popular Bible Verses from Yesaia 54

Share

Ekpola ani na bákywɛɛ ka beti bekpo-mii aladi-mii lɛlɔ. Na enyekpi ani na bekyuli badubɔsu basiku-mii lɛlɔ alabla-mii lɛla lɛdi. Yerusalem ɔdi bina ɔdi na ndubute-mii kusɛ kusɛ na bɛdi lɛlɔ. Ami Unwoti násu.”

Abi ku abinkpo ƒui adubɔkana na ayii nsu ami ndubo-mii kɔnya butaanu uwi ƒui na lɛbla-mii lɛƒɔndia. Na kenye kani na líse ka ndubɔya na keyi buɛɛ kebo bina kalɔ lɛlɔ ni, neeebile linyese lɛmmɔ kudii.

“Bitayia, na kɔƒa lɛnɔ kutekpo-mii, na enu lɛnɔ ataƒɛ-mii, ɔsika lɛɛɛdubo-mii kɔƒa bɔkya. Bɛyiƒala bina lɛnamu uwi ekpidi ani na bɛ́bla. Na kalɛ na bɛ́ƒɔ lɛlɔ bɛkya aani bekpinele lɛnɔ ɔsɔ utekpo-mii kɔƒa.

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Bɛtu bina nvo na bubomo bubu. Na bisienku kevo akpa ammɔ kama bibu, na bɛni kɔbuli ewele ammɔ bisienku kama na bibo-nya bɛlɛ kalɔ kpakplaa.

Ndubɔtina bina bebi ala na bakɔ katɔ ku keyi buɛɛ.

Uwi klukwii ɔdi kani na línwini kama lɛ́kya-mii ku kɔnyi kati kati. Nsu ɔ́si ɔƒɛni úsela uwi ƒui ni, ndubɔnu-mii kɔnyana! Ami ɔni ndi bina ɔgyumanane ku Unwoti muusé-mii kenye kamɛni.

Uwi klukwii ɔdi kani na lídie-mii ɔda, nsu ndubɔsɔ lɛƒɔ-mii na lɛkya-mii kɔgbu ku bɔyɔ geen.

“Líse Noa kenye kamɛni udu dii nnii, nsɔ lɛɛɛdubo ntu buti bɔkyula kayawi kudii. Na ɔƒaani ni, líse kenye ka nsɔ lɛɛɛdubo-mii kɔnyi buti bɔkya na lɛni-mii kɔtu kudii.

Na ɔma ɔmmɔ kɔgyumanakɔ ni, atabi udu adi náƒɔ kuye na égyie na badubuti batu-ku na sika asɛɛ ebi ani na baakya ala bɔdia na badubuti babla kɔyakun kɔmmɔ na beti atabi kpakplaa ani na áƒɔ kuye batu awodu ammɔ lɛnɔ.