Popular Bible Verses from Yesaia 36

Share

Na si bɔsu na ada-mi lɛnɔ anii, “Bula Unwoti Katɔti lɛlɔ na búkpo kama” ni, ɔɔɔdi Unwoti ɔmɛni na Hesekia ɔ́ya báƒɛ nwuna akpabi. Na ɔ́su Israelƒuɔ ku Yudaƒuɔ ka bataakpa Unwoti ɔmmɔ na lɛkpabi lɛni nlɛ Yerusalem lɛlɔ kani?

Na lɛkwa leevu-linedi kemmo ɔni na Hesekia ɔɔdi lɛga ni, Asiriaƒuɔ Ɔga Sanaherib útékpoku Yuda lɛma linengudi lɛni na bátu awodu bámana ƒui na úƒie-ni ɔ́ƒɔ.

Nsu bekyuli bammɔ ƒui bábla kpoo aani kalɛ na Ɔga Hesekia ɔ́su-ma úse ɔnini, “Bitedie-nwu lɛla biala kenye.”

Na kalɔ kamani geen baƒiɔ néekpo bɔƒɔ bana kalɔ bekyuli básiku-mi enu kemmo? Na dɛ na Unwoti anwu ɔdubɔkana na ɔƒɔ Yerusalem na mina enu kemmo?”