Popular Bible Verses from Yesaia 1

Share

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Ɔƒɛni si bɛdubunu-mi litemi na binu kalɔ na libunku-mii ni, bɛdubɔkɛ ala pii bɛdi.

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Nsu si bɛ́ta bínye-mi lɛlɔ ni, bina bekisine badubo-mii bɔyila ku udu.

Bɛkpi ntu na bɛbla lɛlɔ sɛɛn. Na bɛsɔ bitaya na ntaanu bina alaekpidi ani na bɛ́bla mmɔ. Na bɛda bina udunkpi ala bɔbla bɛya.

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Bɛsɔ biteboku-mi akpala ani neeebo kɔsia kɔdi! Bina oloƒui ɔni bɛɛkyula ƒui uusé-mi. Na bina emeyi buni ani bɛɛdi ƒui átamanku-mi. Kɔbuli kɔwɔdi bɔlɛ ku lɛnwunameyi ku emeyi aƒunadi ani na biilie kɔka ku bina emeyi buni ani bɛɛsála lɛlɔ taadi ƒui adi likpidi ku ɔkɔ ala sɔɔn. Nsɔ naaawia-mii naaablaku lɛla lɛdi.

Ɔmantɛ akɔ ɔgyani ɔgyi nwuna ɔtɔlati. Na ebuo ala utine ɔgyi kalɛkɛ kani kemmo na nwuna ɔtɔlati uuwi-nwu adila. Nsu mina kadi bekyuli Israelƒuɔ ni, ama beeese lɛni. Na belenu tɔ lɛla lɛdi kalɔ úti úbedu ɔƒɛni.”

Muukisi kɔbuli kɔwɔdi bɔlɛ ku bina emeyi buni ani bɛɛdi ku bina akpala ƒui na naaawia-nya naaanu, ɔsika énwini-mi etila na lɛ́ɛnɔ-nya buti.