Popular Bible Verses from Esekiel 37

Share

Amu na ɔ́su-mi ɔnini, “Su ekubi akwiidi ammɔ anii, ‘Binu lɛla lɛni na Unwoti ɔɔsu-mii! Ami Unwoti Katɔti ndubuti ɔƒɛƒɛɛ lɛkya-mii kemmo na bɛsɔ bibelie ngba.

Na ndubɔya na ɔlɔna ku nti ɔsɔ ubama-mii lɛlɔ na lɛnwuna ngba ɔƒɛƒɛɛ lɛnya-mii lɛlɔ kemmo. Na bɛdubɔnu bɔti ka ami ndi Unwoti.’ ”

Na úye-mi ɔnini, “Esekiel, ɔyawine ubi, ekubi amɛni adubɔsɔ akana na enwini ebo ngba?” Mmɔ na lídie kenye nnini, “Unwoti Katɔti, awɔ lɛti kani ndubɔkana lɛmɛni ani kenye budie.”

Na uwi ɔdi kama ni, lɛ́nu lɛ́ti ka Unwoti ɔyikun ɔ́ƒɔ-mi lɛlɔ kemmo ƒui na nwuna Kɔyu kúti-mi kúsienku kɔwɛ kɔdi kemmo na kesii kadi na bekyuli ekubi éyii tɛtɛɛtɛ mmɔ. Unwoti úti-mi ɔ́vinku mmɔ bene ƒui. Na ka lɛ́sia anumi lɛ́nu ni, lɛ́nu ka bekyuli ekubi akwiidi áƒɔ kesi kesii.

Lɛ́bla lɛla lɛni na Unwoti ɔ́su-mi. Na asa na ndubɔwɔlɔ ni, líse kalɔ muunú kɔku kɔdi aani kalɛ na ala adi eekuonku lɛlɔ. Na lɛ́nu ka ekubi ammɔ aasála lɛlɔ! Na lɛ́nu ka ɔlɔna ku nti ɔɔma ekubi ammɔ lɛlɔ. Nsu ngba buuubo-ma tɔ kemmo.