Popular Bible Verses from Eƒesoƒuɔ 2

Share

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Ɔsika Katɔti lɛƒɔndia ɔsu na bɛ́kɛ ngba bɔƒɔ. Na útasi amii alati kudɔ. Mmomu ɔ́si Katɔti bɔƒɔtaadi litela lɛni na úte-mii ɔsu. Na útasi bina kabla kadi lɛnɔ kemmo kalɛ na ɔdi ɔkun lɛmɛnɛ lɛdi.

Nsu ka Katɔti ɔɔnu-bu kɔnyana pii na nwuna bɔyɔ bɔni na ubo úte-bu lɛnɔ bumomo ɔsu ni, uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Na ɔmmɔ ɔɔtina ka abu ku Yesu Kristo na Katɔti ɔ́gyila ɔ́lɛku bekpine akɔ kalɛ na bɔdiku-nwu lɛga na katɔ.

Anwuɔsu amii bani naaadi Yudaƒuɔ mɛni bɛsɔ bɛɛɛdi baƒɔ iye belusiene keeke. Mmomu ɔƒɛni ni, bɛdi Katɔ Ɔga Ɔma bekyuli akɔ badi ku Katɔti bebi geen. Amii lɛnɔ bise aani kowodu kɔni na bátu bálɛ kpakplaa kɔni na batalane ku kenye bediene bammɔ bátu. Na Kristo ɔlati ndi kowodu kalɔ lɛtabi lɛni nda kowodu kɔmmɔ.