Popular Bible Verses from Etemila 1

Share

Ɔsika kalɛ mɔɔnu ka mina lɛnunda líisie ɔgyu ni, lɛni kani na mina bɔnɔ lɛnɔ bɔɔkɔ́ katɔ. Na si ukyuli ɔnii ɔ́da anu ni, kɔnyana ku lɛbibo mɔɔkɔ́ katɔ teebu.

Ánu dii etemila ni, ala kama bɔsia kani na bɔdi. Ana ƒui áalɛ dii. Lɛla lɛwɔdi lɛdi liiibo ɔƒɛ kalɔ kesii kadi na lɛdi lɛla lɛni na lítebo tɔ kudii.

Lɛla biala ni, bɔnɔ ku lɛlɔ butu kani na bɔdi! Ina bi na bɔ́nu ni, uledu bula anumi ɔkwɛ. Na ina bi etemila na búnu lɛnɔ ni, bula atu eléyii na bɔnɔ bunu.

Ala ɔtinane ɔmɛni ɔɔsu ɔnini, “Lɛla biala liiibo kalɔ budie geen bɔdi, mmomu ala ƒui ese-bu suu geen!” Bi ndi ukyuli kɔsia na nwuna lɛbibo kanaa kama?

Lɛla biala na lɛkya ɔƒɛ ɔmɛni kalɔ liiibo ukyuli kalɔ budie geen bɔdi. Buse na use aani kalɛ na ukyuli ɔɔbi taasiaku ɔƒɛƒɛɛ.

Kaba kaba béebo bátɔlɔ, nsu alanu lɛla lɛdi bɔvumana geen lɛni.

Bula ɔdi ɔsɔ ulenyimo kuuku uwi ala ani nébo ábavi. Lɛni kani na bula bawɔ bawɔ bani mebo dii limeyi lɛdi basɔ belenyimo bula ala ani na bɔ́bla.

Ɔmmɔ ɔsu líkpoku lɛlɔ nnii muudie kavumana kani nkya lɛnunda ku kɔdɔlɔ ntɛ keyi. Nsu ɔƒɛni mɔɔnu taati ka ɔmmɔ lɛnɔ úlieku ka ɔƒɛƒɛɛ kani na lɛ́bi nsiaku.”