Popular Bible Verses from Korintoƒuɔ 1 11

Share

Lɛni kani na adila ammɔ kama ni, úti ɔɔƒɛɛ na ɔ́su ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úti mina ubugya úse likpo. Na uwi biala na bɛdubɔni-nwu ni, bɛni na biti biteenyimo-mi.” Ɔmɛni ɔɔtina ka uwi biala na bɛɛdi iye bɛɛní na ɔɔƒɛɛ ɔmɛni kemmo ni, biibó Blɔti kukpi kudu wetédu uwi ɔni na wasɔ webo.

Ɔsika lɛla lɛni na lɛ́ƒɔ lɛ́siku Blɔti kudɔ ni, ani kani na lɛ́tina-mii. Na usien ɔmmɔ asa na badubɔkya-nwu kakya ni, úti bodobodo, na ka ɔ́gya Katɔti enu ni, ɔ́ƒɛ-nwu kemmo na ɔ́su ɔnini, “Ɔmɛni ndi mina ɔlɔna ɔni na ndubuti lɛkpa lite Katɔti na bina lili. Bɛƒɔ bɛdi na biti biteenyimo-mi.”

Ɔmɛni ɔsu ni, ɔdi biala ɔka nwuna lɛlɔ kemmo buduo asa na ɔdi bodobodo na ɔni na Blɔti ɔɔƒɛɛ ɔmmɔ kemmo. Ɔsika si útanu lɛla lɛni na Blɔti ɔlɔna ɔmɛni ɔdanku útati uwi ɔni na ɔɔdi bodobodo ɔmmɔ iye ɔɔní na ɔɔƒɛɛ ɔmmɔ kemmo ni, ɔɔdi na ɔɔní na uuti litemi bɔtɛ teewi lɛlɔ.

Anwuɔsu ukyuli biala madi Blɔti adila amɛni iye wani na ɔɔƒɛɛ ɔmɛni kemmo na ulu ɔni nátamanku lɛlɔ ni, ɔdubɔtina ka ɔ́bla likpidi ka útabu Blɔti ɔlɔna ku ubugya ɔmmɔ ɔsu.

Bɛnu mina ɔbladu bɛtɛya aani kalɛ na ami lɛnɔ mɔɔnu Kristo ɔdi taatɛya.