Popular Bible Verses from Youele 2

Share

Hina Gode da amane sia:sa, “Dafawane, goe hou da doaga:mu. Amaiba:le dilia wahadafa dilia wadela:i hou yolesili Nama sinidigima. amo dilia ha:i mae nawene amola digini misini, Nama fa:no bobogema.

Hobea, Na da Na A:silibu Hadigidafa Gala dunu huluanema soga:digimu. Dilia dunu mano amola didiwi ilia da Na sia: olelemu amola dilia da:i hamoi dunu ilia da simasia ba:mu amola goi ayeligi amola uda a:fini ilia da esalawane siga ba:su sodomu.

Dilia gasa fi hou fisili, da:i dioiwane masa. Dilia abula gadelabe fawane da dabua gado hou fawane amola Na da amo da defele hame ba:sa. Dilia Hina Godema sinidigili misa. Ea hou da asigidafa amola asigiba:le gogolema:ne olofosu dawa:. E da mae ougili noga:le ouesala, amola Ea ilegele imunu sia:i amo didili hamosa. E da eso huluane dunu ilia wadela:i hou amo gogolema:ne olofomusa: olelesa amola hame se nabasimu iaha.

Be nowa dunu da Hina Godema, E fidima:ne wele sia:sea e da Hina Gode Ea gaga:su ba:mu. Hina Gode Ea sia:i defele, Saione Goumi amola Yelusaleme moilai bai bagadega amola da Gode Ea gaga:su ba:mu. Mogili da gugunufinisisu hame ba:mu. Amola nowa dunu Hina Gode da ilegei, amo da gaga:su ba:mu.”

Eso digagala:i da gasi agoane ba:mu amola oubi da afadenene maga:me agoane ba:mu. Hina Gode da misunu gala be hidadea amo sisasu da ba:mu.