Popular Bible Verses from Aisaia 40

Share

E da nowa da gasa hame amola helebe, ilima gasa iaha.

Dunu huluane amola da:i hame hamoi dunu da helebeba:le, gasa hame laha. Ayeligi dunu da helebeba:le, dafasu dawa:. Be nowa da Hina Gode Ea fidima:ne dafawaneyale dawa:beba:le aligisia, da ilia gasa bu gaheabolo hamoi dagoi ba:mu. Ilia da buhiba ea ougia hagili ahoabe defele wa:le masunu. Ilia da hehenabeba:le, hame helemu. Ilia da ahoasea, gasa hame hou hame dawa:mu.

Dilia hame dawa:bela:? Dilia hame nabibala:? Hina Gode da eso huluane Esalalalusu Godedafa. E da osobo bagade hahamoi dagoi. E da helesu hame dawa:. Dunu afae da Ea asigi dawa:su dawa:mu da hamedei.

Wesu sia: da agoane naba, “Dilia iwila amo ganodini, Hina Gode masa:ne, logo fodoma. Hafoga:i soge amo ganodini ninia Gode da masa:ne, ahoasu noga:le moloma.

Dafawane! Gisi mosoi da biosa amola falegai da wadela:sa. Be Gode Ea sia: da mae mugululi, dialalalumu.”

Amasea, osobo bagade fifi asi gala dunu huluane da Hina Gode Ea Hadigi ba:mu. Bai Hina Gode da amo hou ilegele sia:i dagoi.”

Fago huluane nabama. Goumi huluane mugululi, umi agoane hamoma. Agolo da bu umi agoane ba:mu. Amola soge fofagoi huluane da bu fa:i dagoi agoane ba:mu.

E da sibi ouligisu defele, Ea sibi fi ouligimu. E da sibi mano gagadole, ea lobo ganodini ouga:ne, gaguli masunu. Amola ilia amelali, E da asabole oule masunu.

Muagado ba:ma! Gasumuni dilia da ba:sa! Nowa da amo hahamobela:? Fedege agoane, E da gasumuni dadi gagui gilisisu defele, ilima bisili, oule ahoa. E da ilia idi dawa:, amola E da ilia dio afae afae amoga ilima wele sia:sa. Ea gasa da bagadedafa. Gasumuni afae da fisi dagoi hamedafa ba:sa.

Dunu amo Ea Fisu da osobo bagade amola mu amoga gadodili diala, amo da:iya fibi Dunu da osobo bagade hahamoi dagoi. Hagudu osobo bagade dunu da fonobahadi gedama agoane ba:sa. Gode da mu amo abula agoane fadegale moloi. Amola dunu esalebe abula diasu agoane hamoi dagoi.

Yelusaleme fi dunu ilia dogo denesima:ne olelema! Ilia da se nabasu defele nabi dagoi amola ilia wadela:i hou da gogolema:ne olofoi dagoi, amo ilima olelema. Na da ilia wadela:i hou defele, ilima se iasu defele i dagoi.”

Wesu sia: eno da agoane naba, “Sia:ne iasu sia:ma!” Na da amane adole ba:sa, ‘Na da adi sia:ne iasu sia:ma:bela?’ Agoane sia:ne iasu olelema. Osobo bagade fifi asi gala dunu huluane da gisi agoane amola ilia da ifa mosoi defele, hedolowane biosa. Hina Gode da fo ili fama:ne iasisia, gisi mosoi da biosa amola wadela:sa. Osobo bagade dunu da gisi mosoi biobe defele, hedolo biosa.

Hina Gode Ouligisudafa da gasa bagadewane, ouligima:ne misunu. E masea, E da dunu amo Hi gaga:i, amo oule misunu.

Gode da amane sia:sa, “Na fi dunu ilia dogo denesima. Ilia dogo denesima!

Dunu afae da hano wayabo bagade amo ea loboga gaguli, ea defei dawa:ma:bela:? O mu amo ea sedade defei ea loboga defema:bela:? Dunu afae da faigelei ganodini, osobo bagade ea su salima:bela:? O dioi defei ba:su amoga goumi amola agolo ilia dioi defei amo ba:ma:bela:? Dunu afae da Hina Godema agoane hamoma:ia olelemusa: dawa:bela:? Nowa da Ema olelemusa: dawa:bela: o Ema fada:i sia:musa: dawa:bela:? Gode da dawa: lamusa: amola hawa: hamosu hamomusa:, E da nowama adole ba:sala:?