Popular Bible Verses from LOMA 7

Share

Fakafetai ki te Atua, e alatu i te tou Aliki ko Iesu Keliso! Tela la, a te mea tenei ko te mea e masani ei a kita nei: i a au eiloa; e mafai ne au o tavini ki te tulafono a te Atua i toku mafaufau, ka ko toku feitu faka te foitino, e tavini ki te tulafono a te agasala.

E iloa ne au i toku feitu faka te foitino, e seai eiloa se 'lei e nofo i ei. E tiga eiloa te nofo mo au te manako o fai te 'lei, e se mafai eiloa ne au o fai.

Me e se fai ne au te 'lei e manako au ki ei o fai, kae fai eiloa ne au te masei tela e se manako au ki ei o fai.

Kafai la e fai ne au a te mea tela e se fiafia au o fai, ko tena uiga e se ko au tela ne fai ne ia; ka ko te agasala tela e nofo i loto i a au.

Tela la, ko maua ne au i te tulafono tenei e galue nei, e leake eiloa au me ko te mea 'lei tela e fai ne au ke tu ei te tulafono, kae tagaila se mea masei fua. Ka ko toku tina kanoloto tonu eiloa: e fiafia ki te tulafono a te Atua.

Kafai la ne fai ne au a mea kola ne seki loto au o fai, e fakaasi mai ei i a au e taofi pela i te Tulafono se mea tonu.