Popular Bible Verses from LOMA 3

Share

ko 'mao tatou mai te 'malu o te Atua, me ko agasala a tino katoa. Kae ne takuamiotonugina latou i tena meaalofa tela ko te alofa tauanoa, ko te fakaolataga i a Keliso Iesu.

ko te amiotonu tena a te Atua e alatu i te fakatuanaki ki a Iesu Keliso, mo tino katoa kola e talitonu, me e seai eiloa se kesekesega

Ne ofogina atu a ia ne te Atua, kae mai i tena toto,ne mafai ei a ia o fai mo pogai e fakamagalo ei agasala a tino mai te olotou fakatuanaki ki a ia. Ne fai ne te Atua te mea tenei e fakaasi ei tena amiotonu. I taimi ko teka a ia ne kufaki kae seki fia saga ki agasala a tino, kae i te taimi nei a ia ko saga tonu ki olotou agasala, ko te mea ke fakaasi ei tena amiotonu. I te auala tenei ne fakaasi i ei ne te Atua me i a ia e amiotonu, kae ne tuku atu ne ia a te amiotonu ki a latou kola e talitonu ki a Iesu.

Me e seai se tino e mafai o takuamiotonugina i mua o te Atua, manafai e fai ne ia fakatonuga o te Tulafono; me i te galuega a te Tulafono, ko te fakaasi atu ne ia ki te tino te agasala.

Pela mo muna a te Tusi: “E seai eiloa se tino e tokotasi e amiotonu; E seai foki se tino e maina, io me salasala ki te Atua. Ne 'fuli keatea katoa tino mai i te Atua, ne 'se katoa latou. E seai foki se tino e 'lei, e seai lele eiloa.

E talitonu matou, me e takuamiotonugina te tino i te fakatuanaki, kae se ko galuega a te Tulafono.

Ikai, e se pena! A te Atua e tonu faeloa, ka ko tino katoa e pati 'loi. E penei muna a te Tusi e uiga ki te tonu o te Atua: “E 'tau o fakaasi ne koe te mea tonu, Ko manumalo ei koe i te fakamasinogina.”