Popular Bible Verses from 1 KOLINITO 13

Share

A te alofa, e kufaki kae kaimalie; e se kaisano io me fakamatamata; e se amio masei io me se ava. A te alofa e se 'sala ana mea i a ia eiloa; e se kaitaua vave io me e fakamasausau ne ia a mea 'se a se tino

A te alofa e fakamalosi ne ia mea katoa, e talitonu ki mea katoa, e fakamoemoe ki mea katoa, e kufaki ki mea katoa.

e se fiafia ki mea masei kae fiafia ki te mea 'lei.

E iai a mea konei e tolu: te fakatuanaki, te fakamoemoe, mo te alofa; ka ko te alofa e tulaga muamua eiloa i mea konei.

E se mafai o gata a te alofa; e pela mo te folafola atu o te muna a te Atua e mafai o palele; e oti a 'gana, e gata te poto.

Kafai e faipati au ki 'gana a tino mo agelu, kae seai soku alofa, e fai fua au pela mo se atigi kapa fakalogoa io me se lali kinikini.

Kae kafai foki e isi soku mana o lauga atu te muna a te Atua kae malamalama foki ki mea 'funa mo poto katoa, kafai foki e isi soku fakatuanaki e fakamasiki ei mauga, kae seai soku alofa, e se aoga eiloa au.

Kafai e tufa atu ne au aku mea katoa, kae tuku atu foki a toku foitino ke 'sunugina ona ko te tala 'lei kae ka seai soku alofa, e seai eiloa se aoga o mea kona ki a au.

I taku folikiga, e faipati au e pela me se tamaliki, e mafaufau foki au e pela me se tamaliki, e fakavasega ne au a mea e pela me se tamaliki; kae i taku matuaga, tiaki ei ne au amioga fakatamaliki.