Popular Bible Verses from 1 KOLINITO 12

Share

Ko oti ne tuku mai ki tino takitokotasi a fakaasiga o te Agaga mō te 'lei o tino katoa.

Nei, a koutou katoa ko te foitino o Keliso, ka ko koutou taki tokotasi ko ona vaega kesekese.

Kafai e isi se mea o te foitino ko 'mae, ka 'mae a vaega katoa; kafai e isi se vaega ko malosi 'lei, e malosi fakatasi a vaega katoa.

Ko te isi tino, ko tuku atu ne te Agaga ki a ia a te poto o tauloto kae akoako atu, ki te sua tino ko te poto o fai manatu fesoasoani 'lei. Ki te isi tino ko te fakatuanaki mai i te Agaga eiloa e tasi, kae ki te isi tino ko te mana o fakalei a masaki. Ko te isi tino ko te poto e fai ei ne ia a vavega, ko te isi tino ko te poto o 'valo fakapelofeta, ko te sua tino ko te poto o fakavasega ne ia a meaalofa mai te Agaga mo meaalofa e seki aumai mai te Agaga. Ko te sua tino e maua ne ia te meaalofa mai te Agaga ko te mafai o faipati ki 'gana kesekese kola e se iloa ne ia o faipati ki ei. Ko te isi tino ko te poto o fakamatala a 'gana kona.

Ka ko te Agaga eiloa e tasi e fai katoa ne ia mea konei; e avatu ne ia a meaalofa kesekese ki tino takitokotasi e pela eiloa mo tona loto.

Tela la, e seai se mavaevaega o te foitino, kae e fakatau fesoasoani katoa a vaega kesekese o te foitino, ko te sua vaega ki te sua vaega.

E uke vaega meaalofa faka te Agaga, ka ko te Agaga eiloa e tasi ne aumai ne ia. E uke vaega auala e tavini atu ei ka ko te Aliki eiloa e tasi e tavini atu tatou ki ei. E uke vaega galuega, ka ko te Atua eiloa e tasi ne aumai ne ia te malosi mo fai a galuega kona.

Ka ko te Atua ko oti ne tuku ne ia mea katoa i te Ekalesia i olotou tulaga tonu. Ne tofia muamua ne ia i te Ekalesia ko apositolo, i te lua ko pelofeta, i te tolu ko faiakoga, soko atu ei mo tino fai vavega, ko tufuga fakalei masaki, ko tino fesoasoani, tino pule; mo tino e 'poto o faipati ki 'gana kesekese kola e se iloa ne latou e alatu i te mana o te Agaga Tapu.

I te mea a te foitino e seki fakafua ake i se vaega e tasi, kae i vaega e uke.

E se mafai o ola tatou manafai e seai ne vaega vaivai o te foitino

Kafai a te foitino katoa ne mata katoa, ka lagona la ne ia pefea a mea? Kae kafai se taliga fua, ka 'sogi ne ia pefea a mea? Kae tenei la, ne fakasoa ne te Atua a mea takitasi o te foitino, e pela eiloa mo tena loto. E seai se foitino manafai e tasi eiloa te vaega o te foitino!