Popular Bible Verses from I-Roma 7

Share

nem niman ebadeg i iyaman ko so nen Apo Shiyos ta insalakan towak maypangkep so nen Jesucristo ja Apo tayo! Isonga sajay nin i kasesaad ko: no shi nemnem ko, naka mansilbi son Apo Shiyos, nem saja bakdang ko, ememasig i toka panbesol.

Amtak ey no ekak emati son Cristo, enshin polos i mapteng son si‐kak. Niman, makedsang mangoy nemnem kon mandeka ni mapteng, nem iso met laeng nga eg kabaalan ni bakdang kon dag‐en.

Ekak dag‐en sota mapteng nga piyan kon dag‐en, nem say naka dag‐a et ngo mowan, sota ngaaw wa ekak kosto.

Jet no dag‐en ko sota ekak kosto, sajay i ka‐asan to ey aliẃen si‐kak i emandeka niyay, no diket sota sigod ja ngaaw wa ẃared nemnem ko.

Singa kenshat et ta no piyan kon mandeka ni mapteng ket sota ngaaw et bengat i naka dagdag‐a. Say epigsen ẃared nemnem ko, sota pengonod ni bilin nen Apo Shiyos

No ekak koston dag‐en sota ngaaw wa naka dagdag‐a, sotan i ka‐amta‐an to ey naka enogota ey mapteng sota bilin nen Apo Shiyos. Ta eg to ngo kostoy ngaaw.