Popular Bible Verses from Ni xi akakoo̱ 5

Share

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá

kó ꞌniú tsíchji̱a̱ nga bi̱ katsó: ¡Kui cho̱tsa̱nga̱ xi je kiniꞌánkꞌieén, kuí boá xi tsoboaá nga si̱ꞌankꞌasꞌiee̱n ngaꞌniú nga ko̱tíxoma, ko̱jo kjo̱a̱cho̱n, ko̱jo kjo̱a̱kjínkón, ko̱jo ngaꞌniú, ko̱jo kjo̱a̱yandikón, ko̱jo kjo̱a̱je, ko̱jo kjo̱a̱niꞌántsjà!

kó kuí xotaa̱ xi kiniꞌín ji re xi tsi̱ꞌe̱ Néná, kiniꞌín ji chináꞌmi xi tsi̱ꞌe̱ Néná, kó kuí boá xi ko̱tíxoma ngayeje tꞌanangii̱.

Kó ti̱ tsintꞌie an nga ngayeje ni xi katsꞌénda Néná ndiꞌakꞌajmi jàn, ko̱jo tꞌanangii̱, ko̱jo ngindie tꞌanangii̱, ko̱jo ngi̱jii̱n ndáchíkoón, nga bi̱ katsó: ¡Kui xi botixómaá, ko̱jo cho̱tsa̱nga̱a̱, kui ngateꞌeé kjo̱a̱niꞌántsjaà, ko̱jo kjo̱a̱yandikón, ko̱jo kjo̱a̱je, ko̱jo ngaꞌniú tsi̱ꞌe̱ nga kui ko̱tíxoma ngatsjéni̱xtjii̱n!

Ta̱nga ngo kui xota̱ xi xchaá xi bi̱ katsóna: –Ngiti̱ cheꞌéjín ngase, ngatꞌa̱ jè katsꞌén xi kꞌuijñásón nínga botixómá Ndabii̱, kui xi ꞌmií xandi̱je̱ xi chji̱a̱ni Jundáa̱, ta̱kuítsí tjiín xá nga ka̱maa̱ skjíndókjáyá ko̱jo nga ka̱maa̱ skjíndiyá nga yito seyoo̱ kui chꞌo̱ xo̱jo̱o̱n.