Popular Bible Verses from Ni xi akakoo̱ 3

Share

Tsitsíjin, kꞌi̱e̱ tikòn an tꞌa nga̱ntjo̱a̱a̱ kó tsꞌénchji̱a̱ an, tsi tjín xí ku̱i̱ntꞌiè nda̱na, kó tsi skjíxꞌá nga̱ntjo̱a̱a̱, kꞌosꞌi̱e̱n an ndiꞌaa̱, kó an skjíni̱e̱jo an ṉño̱, kó kui skji̱ni̱e̱jona an.

Jè be an ngayeje ni xi niꞌín ji, nga ti̱nde nchꞌànjín ji, ti̱nde sibéjín ji. ¡Achichíra̱ ndakjiꞌi tsi nchꞌàn jí ko̱jo tsi sibé ji katsaki! Ta̱nga nga ta̱ asontꞌé jí, kó nga jmí tsi nchꞌàn jí, ti̱nde jmí tsi sibé ji, kuíni nga sa̱ꞌinkjasóñaa̱ ndso̱ꞌba án.

An tsꞌénxchánjo̱ an, kó tsꞌenchjíni̱e̱ an ngayeje xi tjóna, kuíni nga che̱ndikín ji ni xi tsi̱ꞌe̱ Néná, kó ti̱ꞌinkꞌoyé ji yojòo̱ kjo̱a̱a̱ ni xi ndajínkjiꞌi xi tiniꞌín ji.

An jè be an ngayeje ni xi niꞌín ji, tsitsíjin ji, ngindyikin je íjñá an ngo nga̱ntjo̱a̱ xi tji̱e̱nti̱xa̱, xi ta̱ꞌyajín xi maa̱ ꞌbíchjá, kó ndatsi chiboa tsí ngaꞌniú tjiín ji, kiniꞌín ji xki̱ énna, kó tiniꞌínkie ji yojòo̱ nga yení.

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.

Ngatꞌa̱ bi̱ tꞌísé ji: Cho̱n án, kó jè kamácho̱n an, kó nde ngojín ni chajana, kó nde yejín ji nga ta̱soboá ni xi ndajín xí kjimaa̱, nga ni̱ma̱ ji, nga jmíjiín to̱n, nga ti̱ka̱ ji, ko̱jo nga tindyin kjiꞌixtí ji.

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.

Tsá kji̱ndi̱bá an, ꞌniú chje̱ꞌétjé ni xi tikoón tsi̱ꞌe̱ nga ta̱ꞌyajín xi kjo̱a̱ꞌáxiín kui chjí xí je kiniꞌín ji.

Ti̱ꞌinkjeꞌée̱ yojòo̱, kó te̱ꞌée̱ ngaꞌniú ni xi je mején tjichájaá, ngatꞌa̱ jè kamábe an nga ndajínkjiꞌi ni xi niꞌín ji ngindyi̱ko̱n Néná