Popular Bible Verses from Xo̱jo̱n Salmoo̱ 103

Share

Ini̱ma̱na ngatsꞌèntsjaà Néná, kó nga ngojín kjo̱a̱ndaa̱ xi niꞌínchíyé Ji.

Kuí boá xi tsꞌénjétakón ngayeje ni xi ꞌniú ndajín niꞌín ji. Kuí boá xi tsꞌéndàyà ngayeje nínga oo̱n. Kuí boá xi ꞌboxiéꞌaá ki̱a̱ ngi̱ya ti̱xa̱ nínga tindyin ji. Kuí boá xi achichí kjo̱a̱nda ko̱jo kjo̱a̱ni̱ma̱takón tsjaá. Kuí boá xi tsjaá ni nda xi mejeén jí, tsi̱ꞌe̱ nga ka̱matja̱tsi̱e̱ya ji xikoó ja̱a̱.

Ini̱ma̱na ngatsꞌèntsjaà Néná, kó ngayeje yojona ngatsꞌèntsjaà Jaꞌeén Kui.

Xikótsꞌèn ngo na̱ꞌmi, ni̱ma̱ maa̱ ndií, bo̱a̱ má tsꞌén Néná, ni̱ma̱ maa̱ xota̱ xi bendikón.

Xikótsꞌèn kjin tikónnii̱ xkjín nínga fotjo tsꞌueé, ko̱jo nínga ꞌbosꞌien, bo̱a̱ má kjiꞌi kjin katsꞌénkjinnii̱ ni xi ꞌniú ndajín xi kiniꞌán.

Achichí kjo̱a̱ni̱ma̱takón, ko̱jo kjo̱a̱tsiekon tjiín Néna, tsájín tsꞌénxchán, kó achichí tsie kjo̱a̱ni̱ma̱takón tjiín.

Jmí tsi bo̱a̱ tsꞌén atíjéná, xikó tsꞌén tsoboaá jé xí kiniꞌán, ko̱jo jmí tsi bo̱a̱ tsꞌén íchjíná, kjo̱a̱a̱ ni xi ꞌniú ndajín xi kiniꞌán. Ngatꞌa̱ xikó kjiꞌi nga nkꞌa nkꞌajmii̱, ndeskande ki̱a̱ nga̱soón tꞌanangii̱, bo̱a̱ kjiꞌi je katsꞌén kjo̱a̱ni̱ma̱takoón, kjo̱a̱a̱ xota̱ xi bendikón Kuí.

Néna boá ꞌniú íjñá nkꞌajmii̱, nínga botixómá Kuí, kó Kuí boá xi botixómaá ngayeje ni xi tjiín.