Popular Bible Verses from Xota̱ Filipo̱ 4

Share

Ngata̱ jmíjín ni xi nda̱ ngatamajnú, ta̱sá ngayeje ni xi machjiénjnú tꞌíyájnúu̱ Néná nga ko̱ndókjo̱a̱jnúu̱. Chji̱a̱ꞌajnúu̱, kó ti̱ bo̱a̱ ti̱ tsꞌén te̱ꞌéjnúu̱ ndokꞌóchjì kjo̱a̱a̱ ni xi tsꞌéntsjájnú.

Kó kjo̱a̱xioó Néná, kui kjo̱a̱xió xi foaꞌatjoón ngayeje kjo̱a̱kjíntakoón, skoón ini̱ma̱jnú ko̱jo kjo̱a̱kjíntakónjnú ngatꞌaa̱ Kristo̱ Kjisoo̱.

Kó nga fetꞌaa̱ já ntsꞌie, kuí nii̱ xi ti̱ꞌankjójnú: ngayeje ni xi ja̱koxi̱, ngayeje ni xi yandikón ngindyi̱ko̱n Néná, ngayeje ni xi kixi̱, ngayeje ni xi tsjie, ngayeje ni xi ꞌniú nda, ko̱jo ngayeje ni xi tjiín jaꞌén xi nda. Tsi tjín ni xi nda ko̱jo ni xi tsoboaá nga niꞌántsjá, kuí nii̱ xi ti̱ꞌankjójnú.

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Tsjangatamajnú ngatsjéni̱xtjin ngatꞌaa̱ Ndi̱a̱ná. Ingo ndi̱yà bo̱a̱ xian nginíjnúꞌun: ¡Tsjangatamajnú!

Kui Néná xi tsꞌénxájo̱ an tsja̱ajnú jún ngayeje ni xi chajajnú, xikó kjiꞌi kjo̱a̱cho̱o̱n kjo̱a̱je xi tjiín Kristo̱ Kjisoo̱.

Ti̱ꞌankjatjosónjnú ni xi kamájnú nga akoyájnúꞌun, ni xi je kachjábéjnú, ni xi je kandaꞌyájnú ko̱jo ni xi kitsitsijenjnúu̱ nga katsꞌen an, kuí nii̱ xi ti̱ꞌánjnú. Bo̱a̱ tsꞌén nga kui Néná xi tjiín kjo̱a̱xioó kꞌuijñájinjnú.

Ngayeje xota̱ xi ngatamabejnú nga xota̱ xi ndaxota̱jnú. Ndi̱a̱ná je tikón tiña.

Je be an kótsꞌèn mindyión nga xota̱ ni̱ma̱, kó ti̱ je be an kótsꞌèn mindyión nga tsie ni tjínná. Je kamána nga jaꞌajin an ta̱jmì niní, ta̱ bo̱a̱a̱ tsi kitsiena ko̱jo tsi bojóna, ko̱jo tsi tsꞌatio tjínna ko̱jo tsi ta̱ jmíjín ni xi tjínna.

Jmí tsi kui nii̱ tꞌíxiánjnúꞌun kjo̱a̱a̱ nga ngo ni chjiénna, ngatꞌa̱ je be an kótsꞌèn nga chjiéngá tsja ka̱mana ta̱ xikótsꞌèn tikòn an.