Popular Bible Verses from Nendiꞌamasien 6

Share

Kó ndítsjie xi Néná jatjokjàtꞌaa̱ Jendeoo̱n, kó bi̱ katsoó: —¡Néná tikónjoo̱, ji nda̱ xi tjingáꞌniuú, ko̱jo xi chꞌokon!

Kósꞌe̱ Néná askoꞌá kui nda̱a̱, kó bi̱ katsoó: —Tꞌen ji, kó ti̱ꞌinkjìn jí ngaꞌniú xí tjiín, kó ka̱maa̱ ko̱ꞌna̱xiéꞌé ji xota̱ Israee̱l ngi̱ya tsja xota̱ Mandiaa̱n. Ngatꞌa̱ án boá xi tsꞌéntsangiyaa.

Ta̱nga Néná, bi̱ katsó nginií: —Án boá xi kosiko̱joo, kó ka̱maári si̱ꞌíi̱n xota̱ Mandiaa̱n, xikó maá tsi ta̱ ngo tsí nda̱ xi si̱ꞌíi̱n.

Kó Jendeoo̱n, bi̱ katsoó: —Ann a bo̱a̱ ji ndi̱a̱, ja̱ tsi Néná tikónjo̱jne̱, míkjo̱a̱a̱ nga bi̱ kjiꞌi ni xi kjindibániéjne̱. Ñá síndo ngayeje ni xi fíndikónná xi katsꞌén Néná, kui ni xi íni̱jmìjne̱ xota̱ xi xcháná, nga bi̱ katsó: Néná boá xi tsꞌaxiéná ki̱a̱ nangi Ejiptoo̱. Ta̱nga ngotꞌe̱ ꞌne̱, Néná jè íjñámasienjne̱, kósꞌe̱ ki̱a̱ katsꞌénkꞌasꞌienjne̱ ngi̱ya tsja xota̱ Mandiaa̱n.

Kó Jendeoo̱n, bi̱ katsoó: —Ann Ndi̱a̱, ta̱nga mí xí sa̱ꞌinkjièn án nga kꞌoxiéꞌá an xota̱ Israee̱l, xi án boá xi ꞌniú chichí ngase an, ngi̱jii̱n xota̱ ndiꞌa xi ꞌniú ni̱ma̱ ngasee̱, xi chji̱a̱ni xota̱ tji̱e̱e̱ Manasee̱.

Kósꞌe̱ kjindibá ndítsjie xi Néná, kó ki̱a̱ kisꞌijña ngindie yáꞌáxka̱ xi tikón ki̱a̱ Ofraa̱, kui xi tsi̱ꞌe̱ nda̱ xi ꞌmí Joaa̱, nda̱ xi chji̱a̱ni xota̱ tji̱e̱e̱ Abiesee̱r. Ndií kui nda̱a̱ xi ꞌmí Jendeoo̱n ki̱a̱ kisꞌijña nga tsꞌénbotsieé to ndso̱ko̱a̱n ṉño̱paa̱n, ki̱a̱ ngi̱ndie nínga kaꞌnaxié ndaá tostsi̱je̱è tsi̱ꞌe̱ nga ku̱i̱ꞌíjñaꞌmaa̱ xota̱ Mandiaa̱n.

Kó Jendeoo̱n ki̱a̱ katsꞌéndaa̱ ngo ṉchandikón Néná, kó Néná boá xi kjo̱a̱xioó ítꞌajaꞌén, kó ngaskande ngotꞌe̱, to̱kó ki̱a̱ tikón kui ṉchaa̱n ki̱a̱ Ofraa̱, nangii̱ xota̱ tji̱e̱e̱ Abiesee̱r.

Kó Jendeoo̱n, bi̱ katsoó: —ꞌNiú míꞌaá nga tsi nda kasasiee̱n an, te̱ꞌéní ngo chi̱bo̱a̱ nga jí boá xi kandokjo̱e̱jení

Ta̱nga Néná, bi̱ katsoó: —¡Ngatꞌieé kjo̱a̱xió! Ngata̱ ndakinjín má ji, ko̱yàjín ji.

Ta̱nga xota̱ Israee̱l ti̱ katsꞌén nginí ni xi ndajín ngindyi̱ko̱n Néná, kuíni nga Néná yito nó katsꞌénkꞌasꞌien ngi̱ya tsja xota̱ Mandiaa̱n.