Popular Bible Verses from Xo̱jo̱o̱n Sandiyaá 3

Share

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

ꞌYání xi kjínkón ko̱jo xi ꞌniú makjiín ngi̱jinjnú. Nga ta̱kó kui nii̱ nga nda ni xi sa̱ꞌín, kó ni̱ma̱kjo̱a̱ ngatama nga sa̱ꞌín ni xi tsjaá kui kjo̱a̱kjínkón xi ndaa̱.

Xota̱ xi mongase kjo̱a̱xioó xota̱ xi ngasee̱, Néná tsja̱á nga xió ko̱jo nga kixi̱ kꞌuíndo.

Ngatꞌa̱ nínga tjín kjo̱a̱ꞌontakón ko̱jo kjo̱a̱bixkaán, ki̱a̱ boá nínga jmí tsi xió kjiꞌi, ko̱jo nínga tjín ngayeje to̱ko̱ya ni xi ndajiín.

Ti̱kuii najen xi niꞌánkjién, nga ndokjo̱a̱ nga niꞌántsjáa̱ Néná xí Na̱ꞌminá, ti̱kuíní xi niꞌánkjién, nga chꞌo ꞌmíi̱ xota̱ xi Néná katsꞌénda xikó kjiꞌi a̱sie̱én kuí. Ta̱ ngo tsi ndso̱ꞌbaa̱ xi fotjoo̱ én xi niꞌántsjànii̱ Néná, kó ti̱kuíní xi fotjoo̱ én xí chꞌo tsoó xotaa̱. Jún ntsꞌie, chjiénjín nga bo̱a̱ si̱ꞌan ñá.

Kó najee̱n xikónií ngo ndiꞌí, ta̱nisién ndajín, ngatꞌa̱ kuí boá xi tsꞌénkjátsón ngayeje yojoo̱. Ndo̱bo̱a̱ṉkꞌi̱e̱e̱n ꞌbítí kui najee̱n, kó kui najee̱n ꞌbítí ngayeje kjo̱a̱mindyionná.

ta̱nga kji̱e̱ ngo xota̱ xi je kamaá katsꞌénntꞌíé na̱je̱n, ngatꞌa̱ najee̱n xikónií ngo ni xi ndajín, xi jmíjín xi ka̱maa̱ sa̱ꞌínńtꞌíé ko̱jo xi tjikítsie maá xaán ye̱ xi tsꞌenkꞌiénná.

Jún ntsꞌie, ngata̱ kjínjín mostro̱ ngasꞌie ngi̱jinjnú, ngatꞌa̱ jè yàjnú nga ji̱n xi mostro̱jne̱, ꞌniú ngase nda ka̱majéjne̱ ta̱bo̱a̱jiín xota̱ xi ngasee̱.