Popular Bible Verses from Xota̱ Éfeso̱ 4

Share

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.

Nga xota̱ xi ni̱ma̱kjo̱a̱, ko̱jo xi ntꞌiéꞌén ka̱majnú, tsie takón ngatamajnú, kó ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú nga kꞌuiéjnú kjo̱a̱tjó.

Ngata̱ jmí én chꞌo tsó ndokjo̱a̱jínjnú, ta̱sá én nda xi tsja̱angaꞌniuú xotaa̱ xi ndókjo̱a̱jnú, tsi̱ꞌe̱ nga ni xi nda sa̱ko̱ó xota̱ xi ku̱i̱ntꞌiè kuí eén.

Ti̱ꞌanchꞌójnúu̱ yojojnú kjo̱a̱ndasee̱n, ko̱jo kjo̱a̱xtindaa̱, ko̱jo kjo̱a̱tamaá, ko̱jo kjo̱a̱chaꞌayaá, ko̱jo kjo̱a̱chꞌotsoó, ko̱jo ngayeje ni xi ndajiín.

Tsi si̱ꞌanxchánjnú, ngata̱ niꞌánjéjínjnú, kó nga jmí tsi nga ngo ni̱xtjii̱n nga kꞌuijñájnú kui kjo̱a̱xcha̱án. Ngata̱ boeꞌéndièjínjnúu̱ xindajín ndiabloo̱.

kuíni nga chjiéngá ngiti̱ bo̱a̱jín tsꞌén mindyiónjnú xikótsꞌèn kixindyionjnú ngasꞌe̱, kjiꞌanga ni xi tsꞌenṉcha̱jojnú xi kamámejénjnú kiniꞌánjnú. Ti̱ꞌantja̱tsi̱e̱yàjnú yojojnú, kó ngatamatja̱tsi̱e̱ya a̱si̱énni̱xtjinjnú, ko̱jo kjo̱a̱kjíntakónjnú. Ti̱ꞌantja̱tsi̱e̱yàjnú yojojnú xikótsꞌèn Néná tjítsꞌéntja̱tsi̱e̱yajnú, xikótsꞌèn tjíjinkon kui, nga ja̱koxi̱ nga kixi̱ ko̱jo tsjie.

Ti̱ꞌánjnú ngo kjo̱a̱ꞌniú tsi̱ꞌe̱ nga kꞌuiéjnú kjo̱a̱xió, kó ngo xtín chꞌi̱a̱jnú yojojnú xikótsꞌèn katsꞌéngojnú A̱si̱énni̱xtjii̱n Néná.

Kó kuí boá xi índo nga ngotꞌe̱ tjín já xí apostro̱, ko̱jo xi jáchji̱ni̱e̱ꞌe̱én Néná, ko̱jo xi ꞌbini̱jmì éntjatsi̱e̱e̱ Néná, ko̱jo xi síndotjoón xota̱ na̱ngo̱xi̱i̱, ko̱jo xi mostro̱. Tsi̱ꞌe̱ nga ko̱ko̱yaá xota̱ tsjiee̱ Néná xikótsꞌèn ko̱síko̱jo xkjín, kó bo̱a̱ tsꞌén sa̱kó ngaꞌniuú kui xota̱ na̱ngo̱xi̱i̱, kui xi yojoo̱ Kristoo̱. Bo̱a̱ ka̱ma ngaskande nga ngayeje ñá, ngo kamá nga sꞌi̱jinná ko̱jo nga xcha̱ ndií Néná, kó nga ka̱ma ñá, xikoó xota̱ xi je xchá xi je ndo̱jò kjin kjin xikoó Kristoo̱.

Bo̱a̱ tsꞌén nga ngiti̱ xikójiín ngo ndí ka̱ma ñá xí ngotjón ngotjón bosíkjo ni xi tsꞌénkjó. Ka̱májín ta̱xkiya kongíntji̱ngí ngo kjo̱a̱bokoyá tja̱tsi̱e̱ xi skjiénná kó kꞌo̱ṉcha̱joná, kui xi bokoyá xota̱ maña̱ xi ndi̱yà xi ndajín tjimaá. Ta̱sá ni xi ja̱koxi̱i̱ xi ko̱ndókjo̱a̱ nga kꞌuiéná kjo̱a̱tjó, kó xikótsꞌèn kjimaxchá bo̱a̱ kon ka̱ma ngase ndyiojón ndyiojón xikoó Kristoo̱, kui xi ngito̱ko̱o̱ xota̱ na̱ngo̱xi̱i̱.