Popular Bible Verses from Ndeuteronomio̱ 5

Share

Ndaꞌyáꞌénjnúu̱ ko̱jo chónjnúu̱ na̱ꞌmijnú ko̱jo na̱anjnú. Kó bo̱a̱ tsꞌén nga nda ku̱i̱ndyionjnú, kó kjín nó ka̱majnú nga ku̱i̱ndyionjnú kui na̱xi̱ńdá xí an tsjajnúꞌun.

Nda tangíntji̱ngíjnú nga ngo nga ngo kui kjo̱a̱botíxomaa̱, kó nda ku̱i̱ndyionjnú, kó kjín nó ka̱majnú nga ku̱i̱ndyionjnú kui tꞌanangi xi kui tsja̱ajnú.

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna, ta̱nga achichí nda tsꞌenjo̱ an ngayeje xota̱ tji̱e̱e̱ xota̱ xi tsꞌéntjóna, ko̱jo xi ndyi̱tsꞌènkjátjosón kjo̱a̱botíxomana.

Ngata̱ niꞌándajínjnú ngo ne ko̱jo tsi ngo a̱sie̱én ngo ni xi bo̱a̱ má kjiꞌi xikoó ni xi síndo nkꞌa jàn, ko̱jo tsi xikoó ni xi síndo tꞌanangii̱, ko̱jo tsi xikoó ni xi síndo nínga ꞌniú na̱nga̱a̱ ndáchíkoón.

Ngata̱ ꞌbejínjnú kje̱ꞌe Ne tsi ánjín.

Ka̱májín ta̱xkiya si̱ꞌankjiénjnú jaꞌénna, chjiéngá xcha̱ndikónjnú, xi ta̱xkiya sa̱ꞌínkjién, sa̱ꞌinjéñáa̱.

Achichíra̱ ndakjiꞌi tsi jmíni̱xtjin ko̱síkjo ni xi ndyi̱tsó, kó nga ngatsjéni̱xtjin nga ngatsꞌéndíkónna ko̱jo ngatsꞌénkjátjosón kjo̱a̱botíxomana. Kó bo̱a̱ tsꞌén nga kui ko̱jo xota̱ tji̱e̱e̱ nda kꞌuíndo.

Ngatjaꞌátsjienjnú nga ni̱xtjin xotoo̱, ni̱xtjin ndikón boá, tsi̱ꞌe̱ nga an si̱ꞌandikónna.

ti̱nde ngata̱ niꞌánmejénjínjnú ni xi tjiín kje̱ꞌe xota̱, tsi chjo̱ón, tsi mosoo̱ xi xi̱ꞌin, tsi mosoo̱ xi chjo̱on, tsi cho̱yojo xi tsꞌénxaá, tsi bórróo̱, ko̱jo tsi ta̱jmì niní xi tjiín.

ti̱nde ngata̱ niꞌántꞌajínjnúu̱kjo̱a̱ chjo̱ónjnú ko̱jo tsi xi̱ꞌinjnú

ti̱nde ngata̱ chꞌójíntsꞌèn ndokjo̱a̱taꞌínjnú ngo xota̱, ti̱nde ngata̱ ꞌbíndisotaꞌínjínjnú

Ngata̱ xota̱jín niꞌánkꞌiénjnú

ti̱nde ngata̱ jmí chejé niꞌánjínjnú

Chjiéngá kjo̱a̱ꞌátsjienjnú nga moso̱ kamájnú ki̱a̱ nangi Ejipto̱, kó nga án boá xi tsꞌaxiéjnúꞌun ki̱a̱a̱ nga katsꞌénkjién án ngaꞌniú jena. Kuíni nga tsꞌénbotixomájnúꞌun nga ni̱xtjin xi ma yitoo̱ si̱ꞌankjaꞌyájnú.

Nga jun ni̱xtjin xi tjoón xomanaa̱, ka̱ma si̱ꞌánjnú ngayeje xá xí mejénjnú si̱ꞌánjnú, ta̱nga ni̱xtjin xotoo̱, ni̱xtjin xi niꞌánkjaꞌyá boá, ni̱xtjin nga an si̱ꞌandikónna. Kui ni̱xtjii̱n ngojín xi chjiéngá sa̱ꞌín ngo xá: ti̱nde jún, ti̱nde ndí xí xi̱ꞌinjnú, ti̱nde ndí xí ínchjínjnú, ti̱nde moso̱jnú, ti̱nde chji̱ni̱e̱ꞌbojnú, ti̱nde cho̱yojo xi bokján tꞌanangii̱, ti̱nde bórrójnú, ti̱nde ngojín cho̱ xi tjínjnú, ti̱nde xota̱ xi xín nangi xi síndo ngi̱ya ndiꞌajnú xi tsꞌénxájo̱jnú.

Án boá xi Nejnú án, kó án boá xi tsꞌaxiéjnúꞌun ki̱a̱ nangi Ejipto̱, nínga moso̱ kamájnú.