Popular Bible Verses from 2 Já ree̱ 6

Share

Kó Eliseoo̱ tsíchji̱a̱a̱ Néná, nga bi̱ katsó: Ji Ndi̱a̱, ꞌniú míꞌaá nga chjáxꞌé Jí ndyi̱ko̱n kui nda̱a̱ tsi̱ꞌe̱ nga sku̱i̱e̱. Kó Néná iskjíxꞌá ndyi̱ko̱n kui nda̱ mosoo̱, kó nga askotsijen, kamábe nga ki̱a̱ na̱xi̱i̱ tjikítsie má xota̱ xi síndosoón ndi̱je̱, ko̱jo xi ndyi̱a̱ karro̱ xi ndiꞌí, xi síndotꞌa nga ngo foaꞌatjiyajoo̱n Eliseoo̱.

Ta̱nga Eliseoo̱, bi̱ katsó: —Ngata̱ ndakinjín má ji, ngatꞌa̱ kjín ngase ma xi síndojo̱ná ñá, ta̱bo̱a̱jiín xi síndojo̱ kui jaá.

Kó kjiꞌanga mosoo̱ nda̱ xi tsi̱ꞌe̱ Néná ꞌniú ta̱jñó jastjíe̱n, nga jataxie ndi̱tsén jàn, kamábe ngo xtín jájún xi síndosoón ndi̱je̱ ko̱jo xi ndyi̱a̱ karro̱, xi je jaꞌatjiyajoo̱n na̱xi̱ńdáꞌniuú. Kó kui nda̱ mosoo̱, bi̱ katsoó Eliseoo̱: ¡Ai ndi̱a̱ xi tsa̱ꞌa̱n! Mí ni xi si̱ꞌanjne̱.

Kó kjiꞌanga jatjajen xota̱ Siriaa̱ kondra̱a̱ Eliseoo̱, Eliseoo̱ tsíchji̱a̱a̱ Néná, nga bi̱ katsoó: ꞌNiú míꞌaá Ji Ne nga si̱ꞌin ti̱ka̱ Ji kui xotaa̱. Kó Néná katsꞌénti̱ka̱ kui xotaa̱, xikó má tsꞌén tsíꞌá Eliseoo̱.

Kó kui nda̱ xi chji̱a̱ni Néná, bi̱ katsó nga asíyaá: —Ñá xtji̱e̱e̱n tsꞌáka. Kó kui nda̱a̱ akoó kui ngi̱ndiee̱. Kósꞌe̱ Eliseoo̱ ngo yá tsatie, kó ki̱a̱ tsꞌajmi ngi̱jin ndáfoaa̱, kó kui jachaa̱ kitsjiensón nga̱són ndáfoaa̱.

Kó kjiꞌanga ngo kui jaá xi tsꞌénbeꞌeé ngo yaá, ki̱a̱ tsꞌáka jachaa̱ ngi̱jin ndáfoaa̱, kó bi̱ katsó nga askjandáyà: ¡Ai ndi̱a̱, ta̱ kiniꞌánkíyána kui jachaa̱!

Sꞌe̱ Eliseoo̱, bi̱ katsó: —Chjábé jí. Kó kui nda̱a̱ yején tsja, kó iskjíbé kuí jachaa̱.