Popular Bible Verses from 1 Xota̱ Tesalónika̱ 5

Share

Ngatsjéni̱xtjin nga tsjangatꞌiéjnú. Ngatsjéni̱xtjin ndókjo̱a̱jnúu̱ Néná. Te̱ꞌéjnúu̱ ndokꞌóchjì Néná kjo̱a̱a̱ ngayeje nii̱, ngatꞌa̱ kuí nii̱ xi mejeén Néná nga ko̱e̱ꞌéjnú jún xi je sꞌijinjnú Kristo̱ Kjisoo̱.

Kó ti̱kuii Néná xí tsi̱ꞌe̱ kjo̱a̱xioó, ngatsꞌéntsjie ndo̱jò ndójo̱jnú ngindyi̱ko̱n kui, ngatsꞌéntsjie a̱si̱énni̱xtjinjnú, ko̱jo ini̱ma̱jnú, ko̱jo yojojnú, kó nga jmíjín xi chꞌo tsꞌén ku̱i̱chji̱a̱taꞌinjnú kjiꞌanga kjo̱e̱ꞌe nginí Ndi̱a̱ná Jesukristoo̱. Ka̱ma ka̱maꞌniátakón Ndi̱a̱ná xi tsíchji̱a̱jnú, kuí xí sa̱ꞌínkjatjosón kui nii̱.

Chónjnú nga ngojín xota̱ xi tsi ndajín kiniꞌánjo̱, kósꞌe̱ ti̱ bo̱a̱ ti̱ tsꞌén ndajín tsꞌén ku̱i̱ꞌíchjií xi bo̱a̱ katsꞌénjoo̱ nga. Ta̱sá ti̱ꞌánjnú ngo ngaꞌniú, tsi̱ꞌe̱ nga ngatsjéni̱xtjin nda si̱ꞌanjo̱jnú xingi̱jnú, ko̱jo tsi xota̱ xi ngasee̱.

Kó kuíni nga ja̱kꞌi̱e̱ ja̱ngaján te̱ꞌéngaꞌniújnúu̱ xingi̱jnú, kó tasíko̱jojnú xingi̱jnú tsi̱ꞌe̱ nga ꞌniú ku̱i̱ndyiajnú ngi̱yaa̱ kjo̱a̱sꞌijinjnú, xikó je ndyi̱niꞌánjnú.

Jún ntsꞌie, ti̱ bo̱a̱ ti̱ tsꞌén ꞌniú chjiáꞌájne̱ jún, tsi̱ꞌe̱ nga ꞌniú ko̱ndókjo̱a̱jojnú kui xota̱ xi tsiꞌeé, ko̱jo nga ko̱e̱ꞌéngaꞌniújnúu̱ kui xota̱ xi je katsꞌénkjié kjo̱a̱a̱, ko̱jo nga ko̱si̱ko̱jójnú xi ꞌniújín sꞌijii̱n, ko̱jo nga tsiekon ka̱majnú kjo̱a̱a̱ ngayeje xotaa̱.

Ngatꞌa̱ Néná jmí tsi bo̱a̱ tsꞌén índa nga sa̱kóná kjo̱a̱botíjeé, jaꞌájinná tsi̱ꞌe̱ nga sa̱kóná kjo̱a̱ꞌnaxiéꞌaá ngatꞌaa̱ Ndi̱a̱ná Jesukristoo̱

Ngayejejnú nínga tsijee̱n, ko̱jo nínga ni̱xtjii̱n tindyiónjnú. Jmí tsi nínga ni̱xtji̱e̱e̱n ko̱jo tsi nínga jñoó tindyión ñá.