Popular Bible Verses from 1 Xo̱jo̱o̱n Peé 2

Share

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú. Ngatꞌa̱ jún ngasꞌe̱ kisꞌiṉtso̱majnú xikoó cho̱tsa̱nga̱ xi kichajá, ta̱nga ngotꞌe̱ ꞌne̱ jè jéꞌe̱chon nginíjnúu̱ Kristoo̱, nda̱ xi kondajnú kui xi xikoó nda̱ xi konda cho̱tsa̱nga̱a̱.

Jún xi kje̱ꞌe ni̱xtjin nde ngo xota̱ na̱xi̱ńdá kamájínjnú, ta̱nga ngotꞌe̱ ꞌne̱, xota̱ na̱xi̱ńdaá Néná boá jún. Néná ni̱ma̱jín kamaá jún ngasꞌe̱, ta̱nga ngotꞌe̱ ꞌne̱ Néná ni̱ma̱ máa jún.

Ngatamajnú xikoó ngo ndí xi sꞌe̱ katsen má, xi ma mejeén ndáchíkií na̱aa̱n, bo̱a̱ tsꞌén ngatamamejénjnú eén Néná, xikoó xi mejeén kꞌuí ntsjén xí kuí soboá soboaá, tsi̱ꞌe̱ nga nda tsꞌén ka̱maxchájnú, kó kjo̱tjoꞌa kjin kjinjnú

Jún ndí ntsꞌie xi tjóna, ꞌniú míꞌájnúꞌun xikoó xota̱ xi xín nangi, ko̱jo xikoó xota̱ xi ndyi̱foaꞌa kui nga̱sondiee̱, nga ngata̱ boeꞌéjínjnúu̱ ngi̱ndie ni nga̱sondie xi mejeén ini̱ma̱jnú, ngatꞌa̱ kuí nii̱ xi sa̱ꞌínchajajnú, nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaà Néná ni̱xtjin nga Néná sa̱ꞌínjo̱ xki̱ ngayeje xotaa̱.

ko̱jo jún kjimajnú xikoó ndi̱jo̱ xi síndo tikón, kó Néná boá xi iskjininkꞌajnú xikoó ngo na̱ngo̱xi̱ xi jmí tsi kui nga̱sondiee̱ chji̱a̱ni, bo̱a̱ tsꞌén nga jún boá xi kiniꞌánjnú xikoó chináꞌmi tsjiee̱ Néná, xi tsꞌenkꞌásꞌieén kjo̱a̱tjó xi tsja maa̱ Néná ngatꞌaa̱ Jesukristoo̱.

Kuíni nga chjiéngá chja̱ꞌáxínjnúu̱ yojojnú ngayeje to̱ko̱ya ni xi ndajín, ngayeje kjo̱a̱maña, ko̱jo kjo̱a̱jókje̱n, ko̱jo kjo̱a̱ꞌontakón, ko̱jo ngayeje to̱ko̱ya ényà.

Kristoo̱ boá xi xikoó ngo ndi̱jo̱ xi tikón xi katsꞌénchꞌó xotaa̱, ta̱nga Néná xikoó ngo ndi̱jo̱ xi je katjoꞌójin xi achichí chjínií máa kui, kó nga ndyi̱niꞌántiñatꞌajnúu̱ yojojnú Kristoo̱

Xota̱ ndéjnú ngindyi̱ko̱n Néná, ta̱nga ngata̱ kuijín kjo̱a̱ndeé niꞌánkjiénjnú tsi̱ꞌe̱ nga si̱ꞌánjnú ngo ni xi ndajínkjiꞌi, ta̱sá ti̱ndyiónjnú xikoó xota̱ xi mosoo̱ Néná.

Ngatꞌa̱ kuí nii̱ xi mejeén Néná: Kjiꞌanga nda si̱ꞌánjnú, kjiꞌá boá nga kjókjojnú tsꞌoa xota̱ xi bejín Néná, kó makjínjiín ni xi tsi̱ꞌe̱.