Popular Bible Verses from 1 Xo̱jo̱o̱n Juaa̱ 4

Share

Kjo̱a̱tjoó jmíjiín kjo̱a̱tsiendikón, ngatꞌa̱ kjo̱a̱tjó xi je kamá xi chjiéngá ka̱maa̱ ꞌboxié kjo̱a̱tsiendikoón. Ngatꞌa̱ xi tsꞌénkoyaa̱ kjo̱a̱botíjeé, tsꞌéntsakjón, kó kui xota̱ xi tsꞌéntsakjoón, kji̱e̱ ma ndo̱jò kjin kjinjín kjo̱a̱tjó xi tikónjii̱n.

Jún ndí ndí tsa̱ꞌa̱n, Néná ndokjo̱a̱nijnú, kó jè kiniꞌánjnúu̱ nga kiniꞌánchajajnú kui jáchji̱ni̱e̱ꞌén ndisoo̱, ngatꞌa̱ kui xi tikónjinjnú, tjín ngasee̱ ngaꞌniú ta̱bo̱a̱jiín kui xi tikónjii̱n xota̱ nga̱sondiee̱.

Ñá ndyi̱niꞌántjó Néná, ngatꞌa̱ kuí xí tjón katsꞌéntjóná ñá.

Jún ndí ntsꞌie xi tjóna, ja̱kꞌi̱e̱ ja̱ngaján si̱ꞌantjó xingi̱, ngatꞌa̱ kjo̱a̱tjoó tsi̱ꞌe̱ Néná boá. Ngayeje xota̱ xi tjiín kjo̱a̱tjoó, kuí boá xi Néná je katsjaá nga ndií kui ka̱ma, kó kuí boá xi be Néná.

Xota̱ xi jmíjiín kjo̱a̱tjoó, bejín Néná, ngatꞌa̱ kjo̱a̱tjó boá Néná.

Kuí bí kui nii̱ xi kjo̱a̱tjoó: Nga jmí tsi ñá xí kiniꞌántjó Néná, ta̱sá kjo̱a̱a̱ nga Néná boá xi katsꞌéntjóná ñá, kó katsangiyaná ndií xikoó ngo kjo̱a̱tjó xi niꞌánkꞌasꞌien tsi̱ꞌe̱ nga kiniꞌánjetakoón jéná.

Jún ndí ntsꞌie xi tjóna, tsi bo̱a̱ tsꞌén katsꞌéntjóná Néná, ti̱ chjiéngá ti̱ bo̱a̱ ti̱ tsꞌén ja̱kꞌi̱e̱ ja̱ngaján si̱ꞌantjó xingi̱.

Kuí nii̱ xi akó nga Néná tjoó ñá, nga katsangiya ndí ngototoo̱ kui nga̱sondiee̱, tsi̱ꞌe̱ nga ngatꞌaa̱ kui ndií nga kꞌuiéná kjo̱a̱mindyion.

Tsi tjín xí: “Tjóna Néná” ka̱tso̱, kó tsi chꞌoo̱ xota̱ xi ngasee̱, xota̱ ndiso boá. Ngatꞌa̱ tsi tjójínná xota̱ xi ngasee̱ xi ya kókjiꞌi kje̱n, ja̱ kótsꞌèn ka̱ma tjóná Néná nga yàjín ñá kje̱n kui.

Ngayeje xota̱ xi ka̱tso̱yà nga Kjisoo̱ xi ndií Néná, Néná tikónjii̱n xi bo̱a̱ ka̱tso̱o̱, kó kui tikónjii̱n Néná.

Xota̱ xi tjoó Néná, chjiéngá ti̱ nga tsꞌéntjó xota̱ xi ngasee̱ nga. Kuí bí kjo̱a̱botíxoma xi je tikónná xi katsjáná Néná.

Jún ndí ntsꞌie xi tjóna, ngata̱ niꞌánsꞌijinjínjnúu̱ ngayeje xota̱ xi bo̱a̱ ka̱tso̱ nga Néná katsꞌénkíchji̱a̱, ta̱sá chjátꞌayákónjnú kui A̱si̱énni̱xtjii̱n tsi tsi̱ꞌe̱ Néná, ngatꞌa̱ achichí má jáchji̱ni̱e̱ꞌén ndiso xi je jatjokjà kuí nga̱sondiee̱. Bi̱ tsꞌén nga ka̱ma xcha̱jnú jún, ꞌyání xi tikoón A̱si̱énni̱xtjii̱n Néná. Ngayeje xota̱ xi tsóyà nga Jesukristoo̱ jeꞌe kui nga̱sondiee̱ nga jín nga yojo, kuí boá xi tikónjii̱n A̱si̱énni̱xtjii̱n Néná.

Kó kui xota̱ xi tsꞌenjóꞌojín nga Jesukristoo̱ jeꞌe nga jín nga yojo, jmí tsi A̱si̱énni̱xtjii̱n Néná tikónjii̱n, kuí boá xi̱ꞌba̱ xi tikónjii̱n a̱si̱énni̱xtjii̱n kondraa̱ Kristoo̱, kui kondra̱ xi jún je kandaꞌyájnú nga kji̱ndi̱bá, kó ngotꞌe̱ ꞌne̱ jè tikón kui nga̱sondiee̱.