Popular Bible Verses from SILOKA 3

Share

Kudu temen ngandel ka PANGERAN. Ulah sok ngandelkeun kanyaho sorangan. Dina sagala laku lampah masing inget ka PANGERAN, tangtu Mantenna nuduhkeun jalan nu lempeng.

Poma ulah boga angkeuh pinter sorangan, anggur masing sieun ku PANGERAN, nyingkah tina lampah salah.

Masing hormat ka PANGERAN ku ngabaktikeun sagala rupa hasil bumi lahan hidep anu panghadena. Engke leuit hidep buncir, cianggur ceuyah, ngaleuya mo kawadahan.

Ulah tinggal ti satia jeung satuhu, kongkorongkeun eta teh dina beuheung, tulis dina sanubari.

Anaking, ulah nampik lamun ku PANGERAN dipeperih. Tarimakeun ulah sungkan, eta teh pepeling. Mana dipeperih ge tandaning hidep dipiasih, lir bapa meperih anak anu dipikanyaah.

Anaking, ulah poho ka papatah Bapa. Nu ku Bapa diucapkeun, omat ku hidep ingetkeun. Sabab eta teh matak hade untung sarta panjang umur.

Bagja jalma anu meunang hikmah, anu meunang pangarti. Sabab eta leuwih untung batan boga perak, pangajina leuwih ti batan emas. Hikmah leuwih hargana ti batan permata, sagala rupa anu dipikahayang ku hidep moal bisa nyaruaan eta.

Iraha bae ge kudu nulung ka nu butuh, sabisa-bisa.

PANGERAN ngadegkeun bumi ku hikmah-Na. Ngadegkeun langit ku pangartos-Na.