Popular Bible Verses from SILOKA 26

Share

Nu ngajawab pananya anu mahiwal sarua mahiwalna jeung nu nanyana. Pananya anu mahiwal, jawab ku nu mahiwal deui. Ku nu nanyana bakal karasaeun yen geuning dirina teh henteu pinter sakumaha panyangkana.

Anu gejul sok mindoan kagejulanana, cara anjing malikan utahna.

Seuneu lamun henteu disuluhan mah pareum. Pasea lamun henteu disundutan mah eureun.

Anu julig ka batur tangtu cilaka ku kajuliganana sorangan, cara anu ngali gawir tangtu kaurugan.

Leuheung keneh jelema nu pangbodona, ti batan jelema anu ngarasa pinter padahal henteu.

Jalma anu sok pipilueun kana pacengkadan nu lain urusan sorangan, ibarat ngajambret ceuli anjing anu pareng liwat.