Popular Bible Verses from SILOKA 11

Share

Nu balabah babari meunang rejeki. Nu resep tutulung babari meunang pitulung.

Aya jalma anu bisa samemena make duitna, tapi kalah ka beuki beunghar. Ari nu pohara cecelna kalah ka tambah kokoro.

Jalma adigung bakal meunang pamoyok, mending oge handap asor.

Bangsa bakal runtuh lamun taya anu mingpin, sabalikna bisa kuat lamun loba juru nasehatna.

Jalma bener mah ngahirupan, jalma telenges mah ngarampas nyawa.

Jelema laer biwir moal bisa dibawa rasiah. Sabalikna nu satia layak dipercaya.

Lamun urang bageur tangtu loba anu mikaheman. Kejem mah sarua jeung nyiksa maneh.

Nu umangkeuh ku kabeungharan baris ragrag ngoleang, lir daun murudul usum muguran. Sabalikna jalma bageur baris subur, lir tangkal gomplok daunna.

Dina waktu geus nyanghareup kana ajal, harta banda taya hartina kajujuran mah matak rahayu.

Jalma hade ditungtun ku kajujuran. Jalma curang bakal cilaka ku curangna.

Istri geulis tanpa kaperyogaan, saibarat anting emas dina cungur bagong.

PANGERAN mikangewa ka nu make timbangan curang. Mantenna misuka ka nu nimbangna bener.