Popular Bible Verses from JOẸLI 2

Share

Gãnṣo yèdọ dinvie, wẹ OKLUNỌ dọ, mì lẹ́ do dẽ po ayiha mìtọn lẹpo po, po nùbibla pọ, po avi po, podọ po awubibla po

E na sọ wá jọ to enẹgodo, wẹ yẹn na kòn gbigbọ ṣie jẹgbonu do agbasalaa lẹpo ji, bọ visunnu mìtọn lẹ po viyọnnu mìtọn lẹ po na to dọdaidọ, omẹ hóhó mìtọn lẹ na to odlọ lẹ kú, omẹ winyanwinyan mìton lẹ na sọ to númimọ lẹ mọ

mì bo sọ tlẹn ayiha mìtọn, awugbó mitọn lẹ ma gba, bo sọ lẹ́ do OKLUNỌ Jiwheyẹwhe mìtọn de: na dagbenọ wẹ ewọ bo sọ gò na awuvẹmẹ, whle nado sadi, podọ susunọ to lẹblanu mẹ, bo sọ diọlinlẹn nẹ̀ sọn oylan lọ mẹ.

E nasọ wájọ, dọmẹdepope he dawhá ylọ oyín OKLUNỌ tọn wẹ yè na whlẹngan: na to osọ́ Ziọni mẹ podọ to Jelusalẹm mẹ finẹ wẹ enẹlẹ he hòngán lẹ na te, dile OKLUNỌ ko dọ do, podọ to pipòtọ mẹhe OKLUNỌ na ylọ lẹ mẹ.

Yè na lẹ́ owhè biọ zinvlu mẹ, podọ osùn biọ ohùn mẹ, whẹpo azán daho bo sọ dobu OKLUNỌ tọnlọnadowá.