Popular Bible Verses from JAKOBU 1

Share

Mì mẹmẹsunnu ṣie emi, whenuena mì jẹ whlepón hunkọhunkọ mẹ, mì hia ẹ na ayajijẹ popo; na mì ni sọ yón ehe dọ whlepón yise mìtọn tọn wẹ nọ wàzón homẹfa tọn.

Eyín mẹde ma tindo nuyọnẹn to mì mẹ, ni kanbiọ to Jiwheyẹwhe de, mẹhe nọ na omẹ susugege, bo ma nọ wóhẹ omẹ, yè na na ẹn.

Enẹwutu, mì mẹmẹsunnu yiwanna ṣie emi, omẹ dopodopo ni nọ yawu nado sè, ni whleawu nado gblọn, bo sọ whleawu nado gblehomẹ

Ṣigba mì gbọ homẹfa ni wàzón etọn tla, na mì nido sogbè, na mì nido pégan, núde sọ pò blo.

Ṣigba mì ni yín basitọ ohó lọ tọn, mì yín sisètọ kẹdẹ blo, to mìde kiklọ mẹ.

Donanọ wẹ dawe lọ he doakónna whlepón: na whenuena yè tén ẹn pọn, é na yí ojegbakun ogbè tọn, he Oklunọ ko dopagbe hlan yé he yiwan nẹ lẹ.

Nunina dagbedagbe po nunina he sogbè lẹpo po, aga wẹ é sọn, bo sọ jete sọn Otọ́ hinhọ́n lẹ tọn de, mehe de didiọ de ma te, kavi oyẹ́ lilẹpe tọn.

Na eyín mẹde yín sisètọ ohó lọ tọn, bọ é ma yín basitọ gba, é taidi dawe de he tọ nukunmẹ etọn yè ji po e po pọ́n to mẹpónnu me: na whenuena é pọ́n ede pó, bo tón yì, to afọdoponẹji é wọn omẹ he hunkọ ewọ yín.

Sinsẹ̀n wiwe magble to Jiwheyẹwhe Otọ nukọn wẹ ehe, Nado nọ dla tọsiọvi po asuṣiọsi lẹ po pọ́n to nukunbibia yetọn mẹ, podọ nado whlá ede madodiho sọn aihọn de.

Whenuena yè whle mẹde pọ́n, é dọmọ Jiwheyẹwhe de wẹ yè whle e pọ́n sọn blo: na yè ma sọgan yí oylan do whle Jiwheyẹwhe pọ́n gba, mọ é ma sọ nọ whle mẹdepope pọ́n: ṣigba omẹ dopodopo wẹ yè whlepón, whenuena yè gbọn wantúntún etọn titi dali dòn ẹn yì, bọ yè sọ doyèklọ ẹ.

Ṣigba gbọ mẹmẹaunnu whiwhẹnọ ni jaya na yè zé e daga wutu