Popular Bible Verses from DANIẸLI 7

Share

Yè sọ yí ahọluigba na ẹn finẹ, po gigo po, po ahọludu de po, na gbẹtọ lẹpo, po akọta lẹ po, po ogbè lẹ po ni do sọ sẹ̀n ẹn: ahọluigba madopodo de wẹ ahọluigba etọn, he ma na juwá yì, podọ ahọludu etọn enẹ he ma na yín vivà.

Yẹn sọ mọ to númimọ ozán lọ mẹ tọn lẹ mẹ, bo, dayi e go, mẹde po aslọ olọn tọn lè po taidi visunnu gbẹtọ tọn de wá fìnẹ, ewọ sọ wá yèdọ jẹ hóhótọ azán lẹ tọn lọ de, yé sọ hẹn ewọ wá sẹpọ́ ewọ nukọn.

Podọ ahọludu lọ po ahọluigba lọ po, podọ kiklo ahọludu lẹ lọ tọn to olọn pete glọ, wẹ yè na na hlan gbẹtọ lẹ sọn mẹwiwe Gigogán tọn lẹ mẹ: ahọludu madopodo de wẹ ahọludu etọn, ahọluigba lẹpo na nọ sẹ̀n bo sọ sètónuna ẹn.

Ṣigba mẹwiwe Gigogán tọn lẹ wẹ na mọ ahọludu lọ yí, bo sọ yí ahọludu lọ na nutindo kaka, yèdọ kaka doidoi.