Popular Bible Verses from DANIẸLI 6

Share

Podọ whenuena Daniẹli yọnẹn dọ yè doalọ wéwinwlan lọ mẹ, é yì biọ ohò etọn mẹ; (dinvie ovẹ́sẹ́ etọn lẹ tin hùnhùn to abò etọn mẹ hlan Jelusalẹm dali;) ewọ bo sọ jẹklo to okligónu etọn lẹ ji whla atọ̀n to gbèdopo, bo hodẹ̀, bo sọ na opẹ́ lẹ to Jiwheyẹwhe etọn nukọn, dole é nọ wà do daidaì.

Jiwheyẹwhe ṣie ko do angẹlì etọn hlan, bo ko sọ bò onù kinnikinni lẹ lọ tọn lẹ do, bọ yé ma ko gbleawu de na mi gba: sọle yè mọ ohòmẹvò to yẹn mẹ to ewọ nukọn do; podọ ga to hiẹ nukọn, ahọlu È, wẹ yẹn ma ko sọ wà awugblenú de.

Yẹn basi asẹ de, dọ to ahọluigba ahọludu ṣie tọn lẹpo mẹ gbẹtọ ni sisọ bo sọ sinú to Jiwheyẹwhe Daniẹli tọn nukọn: na ewọ wẹ Jiwheyẹwhe ogbẹ̀nọ lọ, bo sọ nọtegligli kakadoi, podọ ahọludu etọn enẹ he ma na yín vivà, podọ aholuigba etọn na tin yèdọ jẹ opòdo lọ: ewọ nọ whlẹn bo sọ nọ glọndai, podọ ewọ sọ nọ basi ohia lẹ po awujinu lẹ po to olọn mẹ podọ to okẹ́ mẹ; mẹhe ko whlẹn Daniẹli sọn huhlọn kinnikinni lẹ tọn mẹ.

Whenẹnu wẹ ahọlu lọ degbè, yé bo sọ hẹn Daniẹli wá, bo zé e dlan biọ odò kinnikinni lẹ tọn mẹ. Dinvie ahọlu lọ dọhó bo sọ dọ hlan Daniẹli dọ, Jiwheyẹwhe towe mẹhe hiẹ to sinsẹ̀n whepoponu, é na whlẹn we.