Popular Bible Verses from 1 JOHANU 5

Share

Ehè sọ wẹ tudido he mí tindo to ewọ mẹ; dọ, eyín mí biọ nudepope kẹdẹdi ojlo etọn, é sè mítọn

eyín mí yọnẹn dọ é sè mítọn, nudepope mí biọ, mí yọnẹn dọ mí tindo kanbiọ he mi to bibiọ to e de.

Na ehe wẹ owanyi Jiwheyẹwhe tọn, dọ mi ni yìn osẹ́n etọn: osẹ́n etọn ma sọ yín nupẹ̀nagbanmẹ gba. Na mẹdepope he yè dètọ́n sọn Jiwheyẹwhe de, gbawhàn aihọn tọn: ehe sọ wẹ awhàngba he gbawhàn aihọn tọn, yèdọ yise mítọn.

Ewọ he tindo Ovi tindo ogbè; ewọ he ma sọ tindo Ovi Jiwheyẹwhe tọn ma tindo? gbè gba.

Onú hele wẹ yẹn wlanwe etọn hlan mì he yí oyín Ovi Jiwheyẹwhe tọn tọn se lẹ; na mì nido yọnẹn dọ mì tindo ogbè madopodo, podọ na mì nido yí oyín Ovi Jiwheyẹwhe tọn tọn se ga.

Mìwlẹ yọnẹn dọ mẹdepope he yè dètón sọn Jiwheyẹwhe de ma nọ wàylan; ṣigba ewọ he yè dètón sọn Jiwheyẹwhe mẹ nọ yí ede whlá, mẹylankan lọ ma sọ gàn do e go.