Popular Bible Verses from Abalōma 8

Share

Tumēnye ukuti utūndu tōsa tụkutūlana ukubakabila īnụnụ aba bannganịle Kyala; aba ababilikilị̄le isị ababīkịle nganị.

Buno une, sịngolịle isya kuti nalīnga buje bufwe, pamo ubūmị; nalīnga tuje tūndu twa lilino, pamo ututukwịsaga; na linga baje bāndumịpamo abalagilị pamo amaka gamo ga kumwanya; nalīnga bobwịnufụ pamo ubusolofụ pamo akāndu kamo mfịpelịgwa fyosa, fịkamanya ukūsōsya kulugano lwa Kyala ulu luli mwa Jesụ Kilisịtị UNTWA gwitu.

Bo atēndị̄ke buno buno na Mbepo jope ịkututūla uswe mmbōnywa bwitu; namanga tukamanya ukwịpụ̄ta bo mụno fịkuti twịpūtilege, lolị Mbepo jūjo ịkutupyelekesya kwa Kyala

Kali mụli syosa sịsịsị tubagị̄le ukujoba sịliku? Linga Kyala ali kulubafụ lwitu, po jwanị ạ̄ti akīndanege nanụswe?

Po papo lelo lilino sịkajapo isya kubalōnga aba bali mwa Kilisịtị Jesụ.

Īnyịnogono sya mmbili gwa mbị̄bị sịkutwala ubufwe, īnyịnogono sya mwa Mbepo sịkutwala ubūmị nulutēngāno.

Lolị mụli syosa sịsịsị tuli nubutolị ubupelelesye ubu bụkufụma kumyake uju atuganịle uswe.

Une ngwịnogona ukuti īngubilo sya kabalilo aka sịkabagila ukusifwanịkisya nubukulūmba ubu twịsakukị̄ngulilịgwaga.

Kali lelo jwanị abagị̄le ukututapulanị̄a uswe nulugano lwa Kilisịtị? Kali bujege bo butolwe, kali ubukamandanịgwa, pamo ukufwimịgwa, pamo īnjala, pamo ubulōndo pamo ubulugu pamo ubufwe?

Umwene lolị Kyala uju ịkwenēsya īndụmbụla sya bāndu jo amēnye isị Mbepo ịkugāmba; namanga umwene ịkubasūmila abāndu bā Kyala ịkukongana naisị Kyala īganịle.

Buno bōsa aba bịkulōngosịgwa na Mbepo gwa Kyala bōbāna bā Kyala.

Aba bịkubōmba isị ummbili gwabo gwa mbị̄bị gụkubatuma, bo īnyịnogono syabo sya mmbili. Aba bịkubōmba isị Mbepo ịkubabūla ukubōmba; īnyịnogono syabo sịlabị̄le kuli isị Mbepo ịkulōnda.

Umwene akālimpākị̄sye nu mwanāke jumojwene, lolị alinkuntāga ịtolo ukuti atufwilege uswe twesa, jo ạ̄ti asị̄te ukutupēla lumo nagwe fyosa ịtolo?

Jo ju Mbepo jūjo uju ịkusị̄tikila ịmbepo syitu ukuti uswe tuli bāna bā Kyala, lelo linga tuli bāna, po tuli bākwịngilapo ikilīngo, tuli bịngilapo kilīngo kya Kyala; tuli bingilanisị nagwe Kilisịtị, linga tụkukubilwa pamopēne nagwe ukuti nanụswe tukajụmbikilịgwege lumo nagwe.

Po lelo uju akabị̄gwe nisya mmbili gwa mbị̄bị jo ịpelịle nndufụ gwa Kyala; papo īngomēlesyo sya Kyala atịkusịkōnga, sịntolịle nalolị ukusịkōnga.

Ifịpelịgwa fyosa fịkusyukwa fị̄jo, fịkugụ̄lila ukuti Kyala abasakule pabwelụ abānāke

Namanga tumēnye ukuti mpaka nkabalilo aka, ifịpelịgwa fyosa fịkwịkēma ukubabịgwa, ukufwana kubabịgwa kwa pa kupapa umwana.