Popular Bible Verses from Abalōma 5

Share

Lolị Kyala atunāngị̄sye ubwịngị bwa lugano lwake kāli ko kabalilo aka twakāli mụ mụmbị̄bị apa Kilisịtị ātufwilaga.

kangi kulusūbilo lutōnekị̄le mụndụmbụla syitu ukwendela mwa Mbepo Mwịkemo uju tupēgị̄gwe.

Kangi pamwanya pali sịsịsyo, tụkusekela mụngubilo, bo tumēnye ukuti ulukubilo lụkutwala ubufị̄ndang'oma, kangi ubufịndang'oma bụkutwala ubunyambala īndụmbụla, ubunyāmbala īndụmbụla bụkupela ulusūbilo

Lelo kunōngwa ja kuti tụkujobịgwa ubugolofụ nndwịtiko tuli ndutēngāno na Kyala kunōngwa ja NTWA gwitu Jesụ Kilisịtị. Kunōngwa jake tukabịle ubujo ubwakwịngila mwịpyana lilīli ili twimịlemo, kangi tụkusekela nndusūbilo lwa kujabilịgwa ubusịsya bwa Kyala.

Bo tukaja nubutūlị nabumo Kilisịtị alinkubafwila aba batịkunndōnda Kyala pakabalilo aka kịkulōndịgwa.

Mbufwe bwake mo mụno tumanyanị̄le na Kyala; po tụkupelaga pōkị lelo ukwịsakupokịgwa ku ngalalisị syake.

Kangi bo apa abāndu bōsa ulukịlanịo lwa mụ̄ndu jumojwene lwabapelị̄le batulanōngwa, bo bịsakutēndeka ga bububo bōsa bịsakupēlịgwaga ukumanyana na Kyala kunōngwa ja mụ̄ndu jumojwene.

Loli sịkaja syo sịsịsị syene; tụkusekela kuli isị Kyala abōmbị̄le mụ NTWA gwitu Jesụ Kilisịtị uju ātupelịle ukuja bamanyānị bā Kyala.