Popular Bible Verses from Abalōma 14

Share

namanga ikitāngālala kya Kyala kukaja ko kulya nukunwa, himma ikyene bo bugolofụ nulutēngāno, nulusekelo mwa Mbepo Mwịkemo; uju ịkummbōmbela Kilisịtị bo bunobuno jo ankyelị̄le Kyala, jo bope na bāndu bịkummwịtikila.

Linga tuli būmị, tujīlị̄le mụ mụ NTWA ukuja būmị, linga tụkufwa tụkufwila mụ mụ NTWA.

Bunobuno lelo fịkuti bwịla ịtolo tusịkōngege isị sịkutwala ulutēngāno na isị sịkututūla nkukasanịa twe bābo batupu.

Oko lelo tungāndisyaga ukujobana ububị̄bị, lolị mụtụmụlege umwe isya kuti: Najumo angampelelaga ugwamyabo isya kumpīsanịa pamo isyakunngwikisya mbutulanōngwa.

namanga lisị̄mbị̄gwe ili lịkuti: Nabumo napa ndi mūmị, bo ịkuja UNTWA, bōsa bịsakufụgamaga nkyenị mmyangu, kangi kukuti mụ̄ndu ịsakūndāmbulaga une ukuti une ne Kyala. Po lelo twesa jumo jumo twịsakwịjobelaga kwa Kyala uju isyake uju isyake.

Mụmmwambililege umụ̄ndụ umōnywa ndwịtiko, lolị komma ukukānịkana nagwe mụli isị ị̄nogwịne umwene.

Gwanị gwe gwāti unndōngege ummbōmbị gwa jūngi? Mwene ju Malafyale gwake jo sịli mmyake ukutụmụla ukuti īmịle pamo ịkugwa. Lolị ịkwimaga papo umalafyale amēnye ukummwimịkisya.