Popular Bible Verses from Abalōma 12

Share

Mwandege mụ̄ngafwanaga ni īnyị̄ho sya nkisu mụno, lolị Kyala abāndulege nkāti abapege īnyịnogono īmbya. Po lelo mwịsakumanyaga ukubwaganịa ubwịgane bwa Kyala, mụkusịmanyaga inụnụ isị sịkunkyela umwene kangi īmbelelesye.

Fyobēne lelo mwe bāmyitu ngubasūmila mwịpyana lya Kyala ukuti mụnnị̄ngege imịbili gyinụ ukuja ịkemo ulyumị, ilị̄kemo ili lịkwịtikisịgwa kwa Kyala ili lịkuja lwịpụ̄to lwinụ lwa mụmbepo.

Ulusūbilo lwinụ bwịla ịtolo lubapelege ukuja bāndu aba bali nulusekelo; mbutolwe mụjege bafị̄ndang'oma mūmīlisyege ukwịpụ̄ta.

Ungatolịgwaga nimbị̄bị, himma īmbị̄bị usịlāmbikege ni nụnụ.

amụgananege mwe bābo batupu nndugano lwa bunyamụ̄ndụ, mụkīndililege ukunāngisanịa ulwimiko.

Ulugano lungajaga lwa lusyobo: mụsịbēngege īmbị̄bị, mụsyumīlilege īnụnụ

Linga sịkwịtika mụmanyanege na bāndu bōsa.

Mwe baganịgwa, himma lolị mụsịlekege īngalalisị sya Kyala, namanga lisị̄mbị̄gwe ili lịkuti: Ulubụkisyo lwangu jujune, nịkubụkisyaga jujune, bo ịkuja UNTWA.

Mụnganyogēlekaga nkwịjūla, īndụmbụla syinụ sịpyege pakummbōmbela UNTWA.

Namanga mwịpyana ili mbēgị̄gwe nịkubabūla mwesa jumojumo nkilūndilo kyinụ mụngịjị̄nogonaga ukukīnda apa umụ̄ndu abagị̄le ukwịjị̄ngonela, lolị amahala gajeko mwịgelelege mụmo Kyala abapēlị̄le ulwịtiko uju ulwake uju ulwake.

Mụngabụsanịkisyaga īmbị̄bị pambị̄bị. Mwịnogonege ukubōmba sịnụnụ bo bịkukēta abāndu bōsa.

Amụbombanịlege īnụnụ mwesa, mụngịnogonaga isya kwịjụ̄mbika mwịbēne, lolị mwangalege nabāndu abāpāsi, mụngị̄bonaga ukuja bāmahala fị̄jo.

Mma linga unndugu gwako ali ninjala, umpege ifị̄ndu; linga ūmị̄lwe amīsi, mpepo amīsi gākunwa; namanga linga kubōmba bunobuno bo kummbūngānịkisya īngalabuga syamōto pantu pamyake.

Mụbasajege aba bịkubafwima; mụbasajege, mụngabagụnaga. Mụsekelege nabo aba bịkusekela, mụlilege nabo aba bịkulila.

Mụbatūlege abị̄kemo mụli isị linga bafụ̄mbịlwe; mụbāmbililege abahēsya.

Namanga bo apa mụmmbili gumogwene tuli nutumbakāsya tūtwịngị, kangi tōsa tuli ntubōmbo ntubōmbo, bo tuli nanụswe, napapo tuli bị̄ngị tuli mmbili gumogwene mwa Kilisịtị, uju kambakāsya ka nnịne uju kambakāsya ka nnịne.