Popular Bible Verses from Wahyu 4

Share

“Nyõ fi Tuhan ramu. Nyõ fi Allah ro amu smot. Nyõ nesait nhaf moof mnan si, tna re raa hawyõn Nyõ. Nyõ Raa ro nase. Tna amu bibi Nyõ. Nyõ oh mi nfen bombra wofo beta. Tna ksoh anyõ sai oh mi Nyõ nfen bombra wofo beta. Nyõ nesait aran nbo anu beta bfos ranu.”

Kak mana jiit weto to maim sau rau-rau to trion ntamam. Metsu kak weto to masu mauf mawat; mam maim wana ati ti uu ye tna mam ati ti te ye. Mti baas kak mabo jiit ro Allah wAit weto mbaut Tuhan yasom rAit yoyo mawe, “Tuhan Allah tait yros kar. Ro moof mnan Ait aro u fee saut. Ait yesait yatak ybo bombra beta. Allah tait yaban tiwya tinyi yhau yum, tna mfo refo yhau fares, tna meen yhau tu mamo snok mam hame wajin ye.”

Tna fo jõ tmat mato sau maah mam sawro ro Allah. Tna jõ tari mai ro riwai tari wia oh. Mai reto mnan fi saa ro buk-buk mkyas bo kʼjõ mawe, “Nama naut no kʼJõ mam befo re kbe terif bo ro meen mama!”