Popular Bible Verses from Wahyu 3

Share

Nri kaket: Jõ tros masa mne tna ttu kʼraa. Awya ro yari Jõ tmai tna yitrah mato kʼJõ to, kbe Jõ twok mam amah rait tna tsya ait mbewok niit boit su tna thau tsya ait su ye.

Jõ tmat anu, raa ro nhau mam kota ro Laodikia; tna thar bombra beta ro anu nno. Tmat anu to, Jõ thaf mnan fee. Bo ro mbe to Jõ ksoh. Tna bo ro ngkanam to Jõ ksoh ye. Menohe anu fo ja nbe fee tna ngkanam fee ye. Feto to anu nno Jõ thaf mnan fee, kbe Jõ tooh anu frok nbam tasoh aJõ mnan fi boit ro tait tari mkair.

Raa ro Jõ tatmof to, Jõ tastako tna tasyah ana mhaf wana ye. Tna bo samyoh mbtek mai kʼana afo re ana waa Jõ tna mashana.’

Jõ thar bombra beta ro anu, raa ro Filadelfia to ja nno. Jõ titrah mato sau oh re anu nma ntruk. Tna raa sait bo ytai yut mato reto fee. Jõ thar tawe anu raa ro Kristen to ntak baro sai. Menohe anu ja nri bo ro jõ tawe tna nbo nno fares. Tna anu nwaar Jõ tasom aJõ fee. Feto to Jõ bibi anu.

Awya ro yros yatak mamo snok mam tis rau to, mnan fi tiwya Jõ tros tatak to, ait tait yoof ynan si. Tibyo kbe yasen tna ybo raa makin taro. Tibyo kbe Jõ tse ait hre ysya Jõ su abyõ mam ambar (tahta) aJõ. Tiwya tros tatak tibyo mfo refo jõ hre tsya Taja su abyõ mam ambar rAit.

Ja anu nkyas nwe, “Amu fo bobot. Amu fri bo satoh mawat nkah ntak ramu nesait sai. Ja amu nhau to, bo aro mabut fee.” He mfe; anu wase kta ro Tuhan rAit. Feto to anu to nmof toni, nhau bo marak, nsu mti, tna sroraa ye.

Anu ja nri watum aJõ tna beroh smot Jõ. Feto to meen ati ro arin mkair mai kʼraa ro tabam refo beta to, kbe Jõ tban anu. Wore weto Jõ sanet raa tna kbe Jõ tatem aJõ burut anu wa.

Jõ tama fooh oh mefo. Bosmot ranu to nbo nno kaket re kbe anu fri watau (mahkota) ro Jõ siwyan taren kʼanu to. Bitsre bosmot ranu ma, re kbe raa roto sait bo ytak boren ranu reto fee!’

Anu, raa ro nhau mam kota ro Sardis ja smot Tuhan matak fee. Nsen oh! Bosmot ranu kene wo mhai oh. Nsen tna nisoh bosmot ranu kaket matak! Bo ro anu ja nno to, Allah ymat tna yawe moof mnan si fefares.