Popular Bible Verses from Ibrani 4

Share

Bokyas ro Allah to bo ro mawyõs, bo ro matak toni. Bokyas ro Allah mhar raa mhaf mato wana ye tna mhar bombra beta ro raa mnaut mam makit, srau wana to ye. Bokyas ro Allah to mfi tfo ro maan toni: Mnan tfo ro mame raa mhaf mato ye, tna mitwat raa makor msya mtai bo ye. Tna Bokyas ro Allah ja mmat sas bo ro raa mnaut mam srau wana tna mmat sas bo ro raa makit saim mno ye.

Yesus yhar yawe ja raa matak mnan fee. Feto kbe Ait ykyas anu kʼAllah kaket ye. Nma bmo bo kʼAit. Waa ma. Anu bhar bwe Allah ja yatmof anu. Wore wo bombra sor mama mai anu to, anu bhar bwe Yesus yban tis anu. Anu bhar bwe Allah ksoh yoo tak rAit yee kʼanu.

Imam ranu ro yase retait yhar yawe anu raa sai. Ait yhar yawe anu raa bhau mam tabam refo to, bo min toni, mnan-nan fee. Tiwya yesait yamo raa tna raa tko mawe Ait yno iro. Raa sanet Ait, tna bo ro samyoh mbtek mai kʼAit ye. Menohe Ait yno iro fee.

Tiwya tinyi Allah yfen bombra beta ro mhau mam tabam refo tna mam ayoh skes to ye. Allah ymat tna yhar bombra beta. Bo bawya sai ro raa mno to, Allah yasu ymat. Ymat bo beta ro ja raa mmyõt wai to ye. Meen mam wore Ait yros susai ytu srah yari to, anu raa kbe bros bkyas safo wanu beta ro anu bno.

Yesus tait Ku ro Allah yare. Ait yamo imam ranu ro yase. Ait yase re yamo ykyas boyoh wanu kʼAllah mam sawro rAit. Feto to nma, anu bros btak tna bbo bosmot ranu reto kaket!

Nma, anu tomer re bkai wore weto. Tiwya raa mana ro Israel mari bo ro Allah yawe fee. Tibyo mkai fee. Niwana Allah mnan fi ana weto to ma, be kbe anu aro nkai wore weto fee ye.