Popular Bible Verses from Ibrani 10

Share

Nma, kbe anu hre su tna skabuk su ye. Raa taro ja haweboh bo skabuk. Anu bhar bwe ayõ ro Kristus hah yama u to, kene oh. Feto to nma, anu bros tis anya, tna bkyas bo moof kʼanya afo re anu smot Tuhan matak.

Nma, anu sobu anya nwe batmof anya tna bno bo moof kʼanya ye.

Anu bhau bkyas riof ro meen mama kʼanu. Bnaut bwe Yesus ro tiwya ykyas riof reto. Tna bo ro yawe yno to, kbe ybo yno tu oh. Feto to, nma, anu bhau bhaf binaut riof reto yoyo.

Beroh nno bo ro Allah yawe to, nno renti. Nno mkak, tna bo ro ysi kʼanu to, kbe yoo yee kʼanu.

Feto to, nma, anu bmo biranya bsya Allah. ⌞Anu bashana oh.⌟ Tibyo raa baptis anu mkah aya oh. Feto tna anu bhar bwe bhaf wanu mrok moof. Anu bhaf wanu mrok moof oh, mnan fi raa ro mate aya ro moof oh, tibyo metsu moof. Anu bhar bwe anu smot Ait kaket. Anu fo srau ewok fee.

Bo ro anu smot tna nhar weto to, nbo kaket matak oh! Anu smot Allah kaket tibyo Ait siwyan bo ro moof toni tna kbe yaren anu.

Soh anu bhar iso ro ati oh, menohe ja bno iro fares to, anu biwana Kristus, ro ysan yetsu rAit. Ysan mkah bo yyon iro wanu ro bno. Raa ro beroh mno iro fares to, ana mikyak bo ro Ait yno oh meto. Tna bosan roto aro ro kbe myon iro wana to, aro u fee. Ana weto kbe waa fea! Ana mhar mawe meen Tuhan yoo safo mana ymit kʼraa ro mamo byoh kʼAit. Tna mhar mawe tafoh ro mase meen mait ana weto ye.