Popular Bible Verses from ISAÍAS 62

Share

Manañan “Qosaq Wikch'usqan” nisqachu kanki, manañan hallp'aykipas “Purunyachisqa” nisqachu kanqa, aswanmi “Diospa munakusqan” nisqa kanki, hallp'aykipas “Casaraq Warmi” nisqan kanqa. Qanwanmi Señor Diosqa kusikunqa, payqa qosa hinan hallp'aykipaq kanqa.

Jerusalenlláy, perqaykikuna patapin qhawaqkunata sayachirqanki, tutapas p'unchaypas manapunin upallakunqakuchu. Qankuna, Señor Diosta prometekusqanmanta yuyarichiqkuna, aman samankichischu. Aman Diosta saminchankichischu Jerusalenta wakmanta perqanankama, Jerusalenta teqsimuyuntin pachawan yupaychachinankama.

Señor Diospa makinpin munayllaña corona hina kanki, Diosniykiq makinpin reypa churakunan pillu hina kanki.

Imaynan waynapas doncella sipaswan casarakun, chay hinatan churiykikunaqa qanta hap'ikapusunki, imaynan qosapas warminwan kusikun, chay hinatan Diosniykiqa qanwan kusikunqa.